♥ 療癒系 ✿ 飄雪樂園 ✿ DK Cuppa Tea ♥
下午1:30
又一次同朋友來到DK Cuppa Tea 食主題Tea Set,
今次呢個係叫Frozen 飄雪樂園，主調顏色係女仔都鐘意嘅Tiffany Blue,
同一般紅紅綠綠的聖誕有所不同，好特別又靚靚呀！
先送上今次嘅茶 --Earl Grey Tea 伯爵茶, 配上用有機庶糖做的粉藍色棉花糖，
望住都覺得自己攤左喺舊軟綿綿的白雲上，疏肝！
加上熱茶的蒸氣緩緩上升，溶化了粉藍棉花糖，有機蔗糖以藍色雨水形態，為伯爵茶添了幾分天然的甜味！隔離的能量奶，係用左佛手柑蜜糖加碟豆花混合而成，因小女唔飲奶，所以就無一試了！喜歡的話可以自製一杯Earl Grey Milk Tea,哈！
之後店員就俾左幾張卡我地抽，原來呢個High Tea Set 亦可加 $100 帶一支香薰回家呢！
沒錯！這裡其實是賣香薰的喔！
占卜卡可以帶回家，計埋上次嘅，我已經有十張啦！
噴左香水，人都relax 啲，等左無幾耐就見到我地個Tea Set 啦！
呢個係二人份嚟！旋轉木馬播住天空之城嘅音樂，閃閃下，令人忘記煩惱，我地仲話聽聽下有少少眼瞓，笑！
星期六，都忙左成個星期，累也是應該的。
Tiffany Blue 為主調的飄雪樂園Tea Set, 點題香味是Earl Grey Tea.......
先來的是7款8件不同的咸點，南瓜批，芝士批，菠菜批等等，當中的菠菜羅勒批是兩件的，香脆批皮用左菠菜來做，入口酥脆不膩，隔離仲有法式鵝肝餅乾，鵝肝醬入口唔會好腥，入口中有少少會甘，整體都係唔錯！
總有下午茶必備的鬆餅，我好鍾意食呢度的鬆餅，因為酥脆得來又唔會好大陣牛油味，
另外仲會buttercream同埋好香玫瑰花味嘅玫瑰果醬，香噴噴又唔會感覺好人工，
食完簡直係好似沖左玫瑰花瓣的Bath咁，爽死！
今次既點提味道系伯爵茶味，當中的馬卡龍同芝士餅都係用左呢個味道，
馬卡龍外脆內軟夾心唔會太甜太漏，好味，
芝士餅就分左三層，芝味不重但口感細滑，令人一試難忘。
甜點仲有米通，棒棒朱古力同埋Cupcake!
當中最鍾意cupcake, cream cheese 唔會好甜又散發出香濃的Earl Grey，
上次的愛麗斯主題同今次都無令我失望。
最後仲有任食的伯爵茶雪糕呀！加左奶的伯爵菜雪糕，感覺似奶茶口感香濃軟滑，甜度不高，如果唔係作病，我會食幾杯呀！
其實呢度係賣香薰的，無想過香薰係可以有內服外用的功效，呢兩個鐘真係好Enjoy, 至少我忘記左煩惱，所以最後自己都買左唔少香薰自用，有機會再同大家分享啦！
此Tea Set 於兩舖同時供應至 31/1 , 每節兩小時為限, $298/1人， 最少二人同行及需要預訂！
DK Cuppa Tea
中環士丹頓街16A地下
For Collaboration and Invitation,
Please send to : littlecatt@gmail.com
0 意見