食物大致分了咸甜，眼看是咸點份量比較多，甜點只佔兩層架的上層。但事實，甜點份量亦十足！加埋黑松露牛肝菌湯，根本就不可能是下午茶（女生應該可以當late lunch ＋ Tea）～
超大隻的龍蝦，青口，珍寶帶子，樣樣都係升級的食材！去得好盡呢次～～～

去過DK Cuppa Tea的朋友都知道, 每份Tea Set都包括「魔法咭」Magic Card一套！
每張「魔法咭」均介紹一種香薰精油及其療效，抽完卡就可以聞住香薰起動啦～

Rosy Paris 有機茶
入面有香甜的紅莓藍莓，薰衣草，玫瑰及接骨木，可以改善睡眠質素及增強免疫力。

先黎o既係香味同食味皆香濃的黑松露牛肝菌湯，打開精緻的小碗蓋已聞到濃濃的松露香，奶白色湯身亦夠滑溜，入面有少量雜菌增加口感，小小一碗暖暖胃的確不錯～


二層架下面有烤包配牛油果醬及乳酪醬，烤包質感有點厚重，但經過翻熱算是軟熟，點牛油果醬或乳酪醬，微微酸的感令人胃口大開！（而家已換上了墨西哥脆片，可以點龍蝦膏食）

以脫水處理的蔬菜脆片，入口脆卜卜，但鹽份卻比平常的少，而且每一件都是完整的，個人最喜歡的是秋葵乾，脫水後沒有那種痴笠笠的口感，而草莓同蔬菜口感又大不同，不是乾巴巴的，留有適當的水份，不消一會就吃光光了！

之後就是咸點（主菜）係龍蝦！係大龍蝦！超大的龍蝦！
美國緬因州龍蝦旁邊的配角都是重量級的，包括有：北海道珍寶帶子配薯餅（上次玫瑰set好多人都覺得好好食），車打芝士，沙立美腸，珍寶青口。

美國緬因州龍蝦有幾大隻，其實佢長過我的前臂，入面仲有大量的龍蝦膏，可以點龍蝦肉食更添滋味，龍蝦肉以特急18分鐘的冷凍技術來保存其肉質鮮美，所以每口都好彈牙充滿海水的甜鮮，好滿足～而且龍蝦鉗都已經剪開了殼，不花氣力就可以食埋鉗入面d肉，好正！

而北海道珍寶帶子配薯餅，帶子比上次的更巨型，一啖都食唔晒。經過火炙後，質感軟綿綿，黑松露更顯矜貴！

甜品啦！雖然只佔一個細架，但件件都是重手之作！兩個蛋糕都是足料，大小如男生的手掌，香芒芝士蛋糕味道清新不膩，芝士香淡淡質感滑溜。而開心果朱古力蛋糕，朱古力香濃加上粒粒果仁味口感，互相補足。

最後的是狗造型白朱古力是我口中的養番狗，造型立體的狗朱古力，內裡是脆卜卜的米通白朱古力，而且是實心的！望住佢的確唔知點入手，所以店家會幫手切開佢，只要你夠狠心！
不過，唔想狠心的話，可以打包拎番屋企都可以的！
旁邊的開心果馬卡龍及蛋白糖餅，一如以往味道不太甜，其他食物太搶眼，難免比較！

優遊饗宴 Elegance Feast
$398/位 +10%（2位起）「在上環店享用」
加$300/位+10%（原價加$500/位）可以於歐洲式遊艇「英倫號」上享用「優遊饗宴」，4位以上同時享用，可獲贈葡萄汽酒一支在遊艇上享用！同時每位贈送DK Aromatherapy 木盒及香薰油乙支，每位贈品超過價值$500！
數量有限，送完即止！名額有限，報名從速！

限定日子:
1. 七月廿三日觀塘公眾碼頭 下午一時開船 23 July 1pm or
2. 八月六日觀塘公眾碼頭 下午一時開船 6 Aug 1pm or
3.  八月廿日觀塘公眾碼頭 下午一時開船 20 Aug 1pm
詳情，訂位及付款: http://www.aroma.com.hk/feast.php

DK Cuppa Tea Facebook / Website
上環新街市街19號地下（西港城，北園酒家旁）上環地鐵B出口
訂座電話：23863588