✲ﾟ*:₀｡神虎回歸香港 ✲出色豚骨湯底拉麵 ✲神虎麺商店₀ :*ﾟ✲ﾟ
下午1:30
一個人在灣仔開完會已近七點，是日屋企無人煮飯就o係附近搵間拉麵店醫肚！朋友圈子有幾位拉麵達人，聽罷我的要求就介紹了來自大阪的「神虎麵商店」！店子主打濃而不鹹嘅豚骨湯底，幾o岩忽然想食清淡d o既姐！
揀好拉麵，細心的侍應介紹兩款追加小食，包括有炸雞及餃子，因為見到隔離炸雞份量都幾多（件件都有小朋友拳頭咁大），加上侍應說神虎餃子（＄42）是每日店家新鮮包製，不是一般急凍貨，因為咁我又試下，反正一客也只是5件而已～
神虎餃子（＄42），外皮煎得金黃香脆，望著已覺得好對版，一咬開餃子肉汁豐富，豬肉混合白菜絲，不會很膩反而帶幾分清爽，的確是出色。
拉麵我選了神虎拉麵 ($98) ，因為比元虎多一隻閃令令嘅溏心蛋，食拉麵我覺得要有溏心蛋才是o岩數的！奶白色的湯底以大量豚骨加蔬菜熬製，再由日本空運到港，豚骨味超濃厚而不油膩，仲有少少清甜感，不能不提湯底的溫度也控制得不錯，吃到尾聲都仲熱的！
拉麵除了基本叉燒外，仲有少見的手打丸子、木耳等配料。自己幾喜歡他們的溏心蛋，生熟度控制得不錯，咬開蛋黃呈軟滑流心狀，好靚亦好入味！
兩粒丸子看似格格不入，但食落卻口感鬆化，肉味鮮甜食到蓮藕的爽口，幾特別！
豬肩肉係用西班牙黑毛豬及慢煮低溫處理，大片得黎又切得薄身，肉質嫩滑有肉香。
以日本過江龍來講收費唔算最平，但因為唔需要配料再額外遂樣計，我覺得計返數係OK，因為配料多而且都足料好味，就憑呢個豚骨湯底我有機會一定會再返兜！
地址：灣仔大王東街6-16號安東大廈地舖
For Collaboration and Invitation,
Please send to : littlecatt@gmail.com
0 意見