✲ﾟ*:₀｡巷弄裡的慢煮料理 ✲ Fast Gourmet ₀ :*ﾟ✲ﾟ
下午1:30
這次是我得二次來訪，上次專程來到Fast Gourmet想試流心牛角包，點知卻撞正Restaurant Week，太多Booking連牛角包做都做唔切。最近餐廳搬上左一個舖位，老闆娘記得上次嚟到無得食好失望個樣，人不在港都叫廚房留定俾我。
泰式冬蔭功牛角包 ($36)
今個夏天的限定口味，切開牛角包就見到冬蔭功湯湧出黎，牛角包香酥唔油膩，可以用黎點冬陰公湯，湯底不太辣，整體酸感比較重，加上椰絲甜，令菜式口感味道多層次發揮，夏天就係想食酸酸辣辣的菜式。
龍蝦湯
要自己把湯倒入碟中，因濃湯沒有加入忌廉等配搭，味道是很單純質感濃稠的龍蝦湯， 龍蝦肉鮮甜彈牙。湯的溫度是剛好不燙口，整體造得不錯，只是飲到尾有點膩。
Sous-vide Chicken Salad, Avocado, 62c Free-Range Egg
餐廳o既溫泉蛋都是用 Free-Range Egg無圈養雞蛋，這種雞蛋不受抗生素影響，價錢比較高，蛋味確實沒大分別，以62度慢煮蛋保持住流心狀態，沙律醬加入了提子乾，多了一份天然甜度，另外o既牛油果，慢煮雞塊嫩滑，口感十分豐富，份量都幾足。
Caesar Saland with minced salmon & 62c Free-Range Egg
另一個沙律都係用Free-Range Egg，沙律菜夠新鮮，食落爽脆，伴勻沙律汁及溫泉蛋蛋汁，三文魚碎粒及芝士粉，口感不會太乾，夏天食幾舒服。
Black Truffle ＆ Sous-vide Egg with Risotto
因為想知道用左咩Superfood，連我這個不喜Risotto的都點了一客試試。原來餐廳用了健康高纖的白藜麥 及 生熟薏米 代替 米飯，就算是無麩質飲食o既朋友都可以放心享用！換左SuperFood 口感很有趣，煙煙韌韌半生熟般，加埋溫泉蛋及黑松露伴食，口感恰到好處唔會太濕淋淋，不過朋友覺得整體淡味左少少（而我覺得味道ok)
Angus Hanger Tenderloin 6oz with Homemade Demiglace & Black Truffled Mashed Potatoes
肉類選了真空慢煮牛，牛肉份量不多，帶鮮嫰的粉紅色不會滲出血水，正！牛肉生熟度剛好，脊肉的肉質柔嫰。而伴菜的薯蓉亦十分出色，質感幼滑好似食雪糕般，黑松露味突出。
新店坐得比舊店舒適樓底高，一班朋友說說笑笑分享美食氣氛很casual，值得一提是侍應好好幫我Keep 住個蛋糕（在附近幫家人買的），雖然朋友說口味有點淡，但我覺得還不錯，因為我喜歡吃食材的原味呢！
享慢煮意 Fast Gourmet
中環善慶街9號地舖 （三道菜晚餐大概$300起）
For Collaboration and Invitation,
Please send to : littlecatt@gmail.com
0 意見