酒店坐落北角村，近窗邊的位置會望到北角海邊及東區走廊。餐廳設有露天座位，不過因為當晚有天雨關係，客人就只可以坐室內。晚市自助餐用餐時間由18:30至22:30，可以慢慢食都ok。
同平時o既自助餐有點分別，這兒的冷盤如芝士沙律Cut Cake 類都會放在凍櫃裡，更衛生。





最吸引我的是這個旋轉的雪糕櫃，當門關上就會不停在轉，門打開就會停下，雪糕有Movepick，哈根大師及久違了的牛奶公司的蓮花杯及雪條，多了一分港式情懷及親切感！

凍海鮮有龍蝦，長腳蟹，麵包蟹，翡翠螺，大蜆及青口，不停的在Refill，直至9時多依然都是滿滿的，不用擔心要搶。

餐廳設有鮮榨果汁的Counter，記憶中自助餐好像未見過，侍應不停幫客人打果汁，叫左杯西瓜汁，就算沒加糖都夠甜！

逢星期六晚市，除了平常供應的幾款刺身外，還會加入藍鰭吞拿魚刺身，你看！每一片都係重量級，色澤新鮮，赤蝦大過我手板，帶子厚過5蚊銀仔！

壽司吧有幾款壽司供應，連自助餐少見的海膽壽司都有，海膽入口即溶質素唔錯！
帶子依然是厚身，比壽司飯仲要大。因為係即包，軍艦的紫菜食時仲係脆卜卜的，正！

龍蝦大大隻，肉質彈牙，而且每一隻都有好多膏不得了！

麵包蟹蓋都是塞滿橙黃色的蟹膏，份量極多，暫時忘記什麼是膽固醇吧～哈～

熱食同凍食甜品部是分開兩邊的，熱食有印度咖哩、芝士蟹肉意粉、中式點心、沙嗲串燒、西冷牛扒、龍蝦薄餅、越南大頭蝦、中式燉湯、廣東燒味等，唔飽仲可以食多個粉麵。

竟然有港式的魚蛋豬皮，醬汁除左辣辣地之外，仲有濃濃花生香，幾特別！

翡翠螺燉湯，湯水相當清潤，唔錯。

熟食方面，我覺得印度薄餅是做得不錯的，難怪個counter佔左一大截位置，另外燒大蝦火侯控制得宜，肉質彈牙。

食到呢度，我要留肚食甜品！姐最推介是自製的豆腐花好滑豆味濃郁，格仔waffle好脆仲可以自己加配料裝飾，麵包布丁係估計唔到咁好食（好香酒味）好想食多件但好飽了，pancake就偏薄身不過不失我鐘意waffle多d。

食到咁上下，餐廳忽然奉上有蠟燭的芝士蛋糕，還寫著Happy Birthday，其實到而家我都好驚喜，完全唔知點解？記憶上姐好似只係o係拎壽司時講左一句就快生日，anyway，就當是酒店客服的細心吧，因為我已經好飽食唔落，侍應仲好好幫我打包拎返屋企～

而家直至9月尾，只需Like FB or IG 會有85折，折後成人大概500幾，雖唔算係最平價之選，但食物質素同環境的確係中上，慶祝生日真係幾開心！！

Dinner Buffet
星期一至四 ：$598+10％
星期五、六、日：$668％+10%
5歲以下小童免費，6至11歲是小童及65歲長者半價
Like FB or IG 即時全單85折




For Collaboration and Invitation,