最近真的很流行Art Jamming, 不論友儕間或是公司的活動,
都多了機會拎起畫筆,來一次Art Jamming

但因為一時間"炒熱"起來,情況就如當年的"珍珠奶茶",開到成行成市,
亦造就了很多的黑店,根本唔知道自己有何可為及不可為,與其是這樣,不如提早摺埋吧!

Art Jamming Studio ,我至少去過4間不同的,但未見過可以差成咁
除了無人駕駛的Jammeration我沒有寫文,觀塘的Jam en Joy,火炭的 Dots Art Workshop,
之前我都有出文介紹的 (可按店名找回文章)

星期六下午,我和妹妹去了灣仔的KA ATELIER, 用Groupon買的(我想不是跳樓價,都要近$120)
我約了2:30-5:30的時段,因為我行錯路,所以上到去已經2:40,佢竟然連冷氣都未開~
畫室亦很淺窄,我之後還發生了意外,我之後會再講發生了咩事!!!!

佢同我地唯一講過的說話就是問我地想畫咩?之後咩都冇講過
一般的畫室都會準備一些繪本/Postcard作Reference,而幾米係最Hit
但佢o個度只有一本"向左走向右走",其他的竟然是英文書.....

因為我沒有準備Reference,亦沒有想過書架的是"字典",所以就自行創作
畫了一會,我發現有支顏料"吱"唔出,想找她幫手"搞搞佢",
竟然發現佢可以落左街,係落左街,留返d客人o係度自己走左,係完全冇出聲
15分鐘後終於返黎,之後就見佢拎住本Net Book坐在一角看書

我已經畫得7788時,竟然"反"左幅畫,原因是畫架放得不穩,
畫就跌了色盤上,慘叫之下,佢只係行埋黎望下,完全沒有教我可以怎樣補救
幸好我妹知道可以試下印走顏料,但已搞了很久.搞完又要補回顏色

5時多,佢行埋黎講埋o個日最後一句說話,就是"仲有20分鐘俾你畫"
講完呢句之後,佢竟然去熄冷氣加開窗,擺明就是在趕客,幸好我趕及5:30前完成
但佢話未乾喎,我問佢有冇方法可以整乾佢俾我拎走,佢答"冇",真係唔係呀化.....連風扇都冇呀?!
最後因為真係未乾,所以決定留下,遲些再拎走,
而妹妹已可以拎走,她竟然連Packing都沒有,就咁俾個紙袋就算~

看一看我們的畫吧

至於佢話o既英式下午茶,我估係呢個卦,真係衛生爆
同埋佢冇同我地講係俾我地食o既~唉~

本來都不打算出文分享,可能是我同地方唔夾
但回家上網Search到技安的文章(其實我之前有看過技安被"爆樽"的文章,只是沒有太留意店名)
我覺得這不是單一事件,所以有必要同所有身為"消費者"的朋友分享~~~
大家小心呢間畫室

P.S.暫時我去過又OK的畫室有:
Jam en joy / Art Vacation (它們的負責人真係識畫畫,而又會同參加者分享心得,有問有答,讚!!!)