年尾的時候,Kawai 應朋友之約,柴娃娃的去了蛇王業食了一餐全蛇宴!
其實我已經近十年都沒有吃蛇了,原因不明,但我記得有同媽媽一起吃過蛇羹的!

再食蛇宴,吃得固然開心,因為店家用料足,真材實料,
本身是燥底的 Kawai 吃後的一星期,都有出現過份燥熱的情況,
所以這次亦會是暫時的最後一次! 我怕流鼻血 XDD

店家安排了我們坐閣樓,都可以坐到 3 圍,
台面上已放了一支蛇膽酒,原來係包埋的,不用再額外收費,
就咁睇,支酒好似好清,但見到底下就比較混濁,估計飲最尾的味道會濃些~
因為我唔飲酒,所以無試,但其他人話不是想像中難入喉
未齊人,唯有咬住薄脆先啦~

朋友中有人塞車,集合又遲左少少,店員已經開始催要上菜了,
不停講我地Book左幾多點,但而家已經幾多點.......
結果,先上菜,邊食邊等~


太史五蛇羹兩大窩
遠睇的確像"碗仔翅",但食落就知分別好大,蛇肉是比較"UN"一點的!
雖然有加到豬肉,雞肉,但一條條蛇肉比它們粗好多!一眼就分得出!
有木耳絲同冬菇,藥材味不太重,加埋檸檬葉多了份清香,不過我覺得切得好粗!

七彩炒蛇絲
真係普普通通,蛇絲比蛇羹幼一點,不會太UN

鮮炸五蛇丸
啖啖都係蛇肉,因為蛇肉比較UN,食落彈牙!炸得亦香脆!

椒鹽蛇碌
好憎"啜骨",大件蛇碌只有兩啖肉,仲要在骨中間,又硬又咬不開,我投降了!
不過佢炸得幾香口,沒有想像中的辣,俾我就食多件蛇丸算了!

生扣蛇腩
呢個蛇肉比較大件,所以明顯比較腥,
所以食左一件就沒有再吃了! 轉移視線吃枝竹同冬菇~

蛇汁貴妃雞
因為唔知蛇膽是什麼味道,事實有沒有都是未知之數!
但雞夠滑,有雞味,脂肪亦不會很多,不錯

紅燒大山瑞
山瑞是水魚吧,是席中的朋友即場用Google 找到的答案
上台時是熱辣辣有煙冒出的,食了一件山瑞,感覺好lup口,不過應該幾重骨膠原的!
所以我有食晒一大件!

蛇汁時菜
無咩特別,個人唔鐘意杞子味

生炒糯米飯
粒粒分明又足料,不過我已經食到好飽了!所以只吃了小半碗而已!

藥材龍鳳燉蛤蚧湯
最後的重頭戲,把席上的女生都嚇得半死!可能店家早已知會引起女生恐慌
所以是先把清湯逐碗送上,最後再拿出材料俾我地影相!
碟上放上了材料: 烏雞, 蛤蚧,蛇肉,如果俾我見到蛤蚧游水一定要送院!
因為自己知自己太燥熱,知道一定會出事,所以這個湯沒有飲了!
 
真心話,店員真的有待改善,短短10分鐘內已提我們三次遲到,催著要先上菜,
而上菜方面更加快過茶餐廳,打風咁,一個菜未食完就連上三個!!
菜冷了,就是扣分!!!
本來炆蛇腩熱食唔會有明顯的腥味,但一冷了就....
當時大家都在同蛇碌糾纏著,兩道菜中間只有3分鐘時間!!! (相機可以睇返時間) 

不過,這餐蛇宴的確令我大開眼界,原來蛇可以做出咁多不同的菜式!
因為之後太燥熱,所以暫時都不會再吃蛇宴了,完結在最好的,總好過死在不明不白!哈!
食物我真心覺得是足量的,我們都要打包會家!
如果可以改善一下,快餐式上菜的話就更加好!

 
蛇王業
深水埗南昌街139號地下  2728 8675






Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。