夏天到了,日日都三十幾度又焗,行兩步就開始流汗,可以的話,我應該不停吃雪糕!!
這天朋友說要吃拉麵,媽呀!咁鬼熱你玩我咩?!
經過一輪的拉扯,最後來到公司附近的武士拉麵,
只因它們有新的限定餐牌,凍食拉麵!! (我真係熱到上頭了)~

七點幾人流不多,好快就安排入座,入面係吧台形式,一排位置就是吧!

吧台上放了一些調味料,用來增加食味!
任飲的綠茶是濃濃的!不是一般的啖如無味的玄米綠茶!!

我點了柚子抹茶凍拉麵 ~~先上的是叉燒及紫菜片,因為蔥花賣光,就轉了木耳絲!
木耳絲勁爽口,好有嚼頭! 喜歡! 叉燒肥肉比例多,不過我喜歡,瘦叉燒邊會好食架!?
入口帶有柚子香,好鬆化,以為肥油多就會膩嗎?錯錯錯! 以柚子醃過的叉燒甜甜地,不膩!
墊底的紫菜依然是脆脆,配料方面,我無所挑剔就是!!

主食來了,冰凍的柚子抹茶拉麵到了!
以抹茶為湯頭的拉麵,入面放有大量的冰塊,因為蔥花賣完,所以就只有芝麻了!

先飲一口湯,抹茶湯底帶點點柚子香,吃完麵後,撈底會有柚子肉,
味道不如平常的抹茶般回甘,反之有點點咸味!感覺也挺消暑的!!

麵條係用幼直身的麵條,煙韌有嚼頭,
不過我自己覺得硬左少少,如果軟身返少少就好~
食完真係覺得透心涼呀!!我想飲晒d湯架!不過真係好大碗,哈哈哈!
整體來說,我幾喜歡呢個口味!覺得一點都唔突兀呀!

武士拉麵 Samurai Ramen



For Collaboration and Invitation,
Please send to : littlecatt@gmail.com 
FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare