一直以來我都覺得自己是來自火星的，活在自己的世界裡面！
然而，我覺得貓都係活於自己的世界裡，所以我覺得我地應該可以做到朋友～
今日我同幾個朋友黎左Cat Tune，試下我地係未溝通到！

Cat Tune 位於北角舊樓的一角，要行十多級樓梯，
入到去店員會安排換上拖鞋，之後要先用酒精消毒才可以入到有貓貓的店內
一貫貓貓Cafe 的裝修，用上比較矮身的餐桌，中間同旁邊都有大型的貓屋，
玩累了的貓星人都在此休息，旁邊亦有大量漫畫書，Board Game 等可以玩！

一入場已經有兩位貓星人要搶我的袋子做床舖～

這裡住著16位貓星人，性格各異，但都是喜歡同人類逗著玩，
活躍的會走來走去，有些卻天生愛睡，不停睡就是啦！
店員會先介紹一下她們的性格，名字，看得出店員都很喜歡貓星人喔！

這裡的消費是頭一小時 $60，包一杯價值25元以下的飲品，之後就40元一小時，
我們幾個就單點了幾款小食分著吃～
玉桂卷，可選草莓／柚子蜜／花生煉奶 口味，我點了柚子味的！
上台覺得怪怪的樣子，笑！心想果然貓Cafe 係不同～～～～～

切開見到流出來的柚子餡料，原來是用白麵包卷著柚子餡料，即叫即煎，
面層再舖上一層玉桂糖霜，甜甜的，又不會好油膩，有驚喜！

鹵水雞翼(5隻 $28)，雞翼不算很大隻，味道係鹵水中帶少少甜味，醬汁比較似瑞士雞翼，
肉質好嫩滑，店員提醒要小心，其中有貓星人很喜歡偷食鹵水雞翼，果然上台不久，
那貓星人聞到香味立即衝過來！哈哈！

另外，仲點了兩款店家自製的甜品，朱古力心太軟及雪糕都是自家製，
心太軟的朱古力味濃郁又不會過份甜漏，旁邊的雪糕好滑身，不過就比較易溶，
整體都是意料之外的高質！

除了心太軟外，柚子慕思蛋糕都是自家製的，
蛋糕質感好軟熟，不時會吃到有絲絲柚子肉，清甜度剛剛好！

一直說這裡的貓貓好親人，大家都會說有幾親吧！
因為平時出面的貓cafe都會有貓，但係就影唔到相，而這裡的都好易就影到相，
以下這些是用相機自拍mode 拍的！ 都拍得不錯呢！

以前我未養貓前都會去貓貓Cafe 玩，感覺係食物麻麻，貓星人好串，好多貓毛飛呀飛～～
食物都係比較Hea，可能o係杯咖啡或碟畫隻貓就好賣好貴，而且唔好食！
這裡清潔好密，我坐左大概兩小時，見到掃左幾次地，臨走又會俾毛毛碌你碌走d 衫上貓毛，
而且d 貓貓有部分係流浪貓，睇得出店員真係好錫鐘意佢地！

Cat Tune
北角英皇道492號1樓 (逢星期一休息)




FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare