｡oﾟ☆｡ 旺角的日與夜 ❤ 漁場台風 ☆｡oﾟ
下午1:30好耐都未試過咁期待的飯局！本來上星期去，但因為發燒去唔到，
今個星期六好早就起左身等出發，因為我要去食限時供應的沾麵呀！～
呢間位於旺角的漁場台風日式拉麵店，在荃灣都有分店，不過兩間賣的拉麵有點不同，
去到已經有10幾人排隊，為了節省點菜時間，排隊的時候已經會俾餐牌你落單，
一入座就可以交單，我估會快好多～
我呢d 頭髮長長的，仲會有髮圈提供，入坐又會因應你的高度，放膠箱在地上long 腳，
日本人的細心位就在小節中～
旺角分店日間賣沾麵，夜晚就賣拉麵，我是為了沾麵而來，所以我要早起身了～
餐牌其實選擇不多，只有三款沾麵及四款拉麵，不過細節上可以變化萬千，
例如麵的份量（有三款），熱或冷麵，走蔥走蛋走叉燒走筍等
坐在開放式廚房前等食，睇住日籍的師傅不停手準備食物，
香味飄過來，愈聞就愈期待～
等左10分鐘左右，終於見到我的沾麵了，我叫左魚介豚骨蕃茄海蝦沾麵！
沾麵上面有檸檬同半隻糖心蛋，加d 檸檬汁就開始食啦～
好吸引的蕃茄海蝦湯！上面舖著大量的櫻花蝦，聞一下已經感到好鮮味！
配料中的半熟蛋味道幾合我口味！
蛋白部份不太深色，但味道是絕對足夠，入口有醬油香，而且生熟度剛好！
湯底是海鮮味比較重，蕃茄應該已煮成蓉，感覺有點像煮得比較濃郁的羅宋湯，
叉燒是厚切一塊，並早已放在湯中，一咬即散不梅，我選的熟麵質感彈牙，
雖然沒有明顯的曲線，但掛湯能力也不差，因為湯底本來就是好濃稠，
整體來說，我覺得值得排隊，最多30分鐘啦！哈！
自己鐘意食沾麵，因為可以自己決定湯的濃度，覺得唔夠味就沾多d湯，彈性比較大！
值得一提，呢度的麵份量是比較大，180g 已經是平常公仔麵的一倍， 一般女生選少的已夠！
漁場台風
旺角快富街39號建煌華廈地舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner Please send to : littlecatt@gmail.com
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare
0 意見