月初時，同Mr.K即興去了野餐，其實我自己就沒有野餐癮，所以屋企甚麼道具也沒有，不過呢個世界，都應該有同類（即時行動組）所以我地決定上網找資料。哈！
上網入關鍵字野餐，已經搵到我地想要的資料，在啟德游輪碼頭有草地外，仲發現有餐廳，提供外賣的食物，仲可以借野餐墊同野餐籃（需按金），就是這樣我們就出發了。

在九龍灣有專線小巴到游輪碼頭，坐到總站落車就是了，
但要一提這個商場是百無的，沒有7仔，沒有銀行，沒有超市，
建議在九龍灣先買一點零食及水果，而且Market Place都幾近小巴站的啦！

借左籃同野餐墊就落樓下草地霸個靚位。當日太陽都幾猛，把帶入來的食物放好，影相先！只需於餐廳買餐就可以借籃同野餐墊，要先付＄200按金，還籃會退錢，所以只收現金。
餐就分兩款價錢：＄238及＄288，包括兩罐汽水，沙律一盒，一支紅酒，
238是熱狗及龍蝦包各一，而288是兩個龍蝦包。食物是即製需時十多分鐘。
第一次來，問職員那裡有草地，佢係行出去指俾你睇，教你如何行落去，服務熱心。
掉晒自己的食物落去，塞到滿滿的，Yeah！

最近，我成為了龍蝦包達人，食了很多龍蝦包。
估不到這家餐廳的龍蝦包做得不差，麵包夠鬆軟，原隻龍蝦鉗足料又夠彈牙。
單點好像是100左右，同市面的餐廳定價差不多吧。

熱狗包相比下就比較普通，正常口味。

套餐還包括了一盒小小的凱撒沙律，沙律菜夠新鮮，加上適量的沙律醬汁調味，坐在草地食都幾疏肝。

因為那裡沒有超市7仔，自己準備左合味道杯麵薯片乙包，
即食杯麵系列好已經似出了好多味，而我就揀左新加坡辣蟹口味，一打開得廿幾塊，好多空氣呢。（太耐無食薯片，唔知而家d薯片要咁多空氣嚟養住佢）
至於味道，黑椒味好足，所以辣。BB辣黨覺得好辣，嗚嗚！

仲帶左個BB西瓜入來做道具，玩完可以即場食左佢，意想不到這款西瓜又幾夠甜。

沒看錯，我帶西瓜做道具，拎住個瓜影相，加返小小逆光Filter，造成韓式小清新喔。
我是用Android 手機，今次用的修圖Apps －Candy Camera，而I phone的朋友，可以試下一個叫 Paris 的App（是付費的），效果都是類似的。

餐廳資料：
海薈 My Harbour  九龍灣承豐道33號啟德郵輪碼頭頂層花園S302號舖
餐廳有a la carte 及 雪糕提供，堂食建議先致電確認沒有包場活動。




For Collaboration and Invitation,