問我當晚做了什麼，就是收錢數錢同點人頭！返到屋企先覺得餓，原來自己由3點打後無食過野，不過我係神仙嘛，唔怕餓，係夜晚返去食左餅乾同蕉 XD。

咁市儈的搞手，遇到餐廳好老闆，俾我休息完再同我對數，真係好好好彩啦！
依然喜歡見到你地，新舊面孔都令我覺得好有力量，其中有一些是自己在不同範疇識的舊朋友。呀！原來我之前種下的種子真的會開花結果，開心開心！










離開神仙家，各人生活如常，要約食飯何其困難。這一晚，聚集了不同的新舊神仙，開開心心食餐飯，見見面，打打氣，盡量投入就好，其他小問題我會盡量解決。

有時在想，如果我一星期有三分鐘會記得在斷食營的正能量，我的人生應該會無咁負面，這餐飯聚或多或少已為自己帶來力量！哈！我依然充滿熱血！（有時我都好負能樣的，哈）

飯聚完成，實在要感謝以下朋友，支持及愛護，讓我繼續任性（笑）
多謝一眾出席同學的信任及包容，我擺明只係識收錢。
多謝我男友Mr.K 放工黎幫手，只因我一句話想同學食餐安樂茶飯，結果佢陪我無食。
多謝蘇老師蘇媽媽信任，俾我愈來愈任性，做自己喜歡做的事。
最後是餐廳老闆，呢個星期我隔日就電話到，不停要佢俾多位，我都覺得自己煩到喊。

有關我寫過的斷食文章，可按此蘇老師自然療法之家