❆ 中環 ♥ 新派日式卷物店 ♥ Chotto Maki ❆
下午1:30
之前為左搬辦公室的事每日都搞到出晒煙，完全是行唔安坐唔落的境界。終於搬定了，又可以輕輕鬆鬆出街食飯啦，呢日就試左o係萬邦行隔離巷仔的Chotto Maki。主打日本超流行Mix and Match Maki！Maki（卷物嘅日文）即係紫菜包住嘅Sushi roll。
呢度除了有店方的推介，亦可以創作自己喜歡的日式卷物～
Beef-Iyaki （HK＄68）
店長說這個店中人氣極高的卷物，果然一試之下，心心眼呢！照燒牛肉足料非常入味又Juicy，唔會乾爭爭。另外的配料亦恰到好處，青瓜絲多了一份清新感，牛油果生熟度剛好油潤香甜。加埋雙色魚籽炸蒜及店家自家特調醬汁，賣相吸引，口感非常豐富。但唯一美中不足的牛肉痴得太埋，第一啖成舊牛食晒，之後得返白飯～
我就決定自選卷物壽司（$78），o係點菜紙上tick唔同的選擇即可（一款肉類，兩款蔬菜，脆脆及醬料各一）。最後揀左照燒雞肉，酸黃瓜，芒果，牛油果，飛魚籽。
每客自選壽司卷有四大件，每件都超厚身又大件，壽司包得實淨唔易散開，女生食三件已經有飽意了。 整體來說，食材質素好，芒果夠甜，露荀是選用最嫩的那一段，另外，必試特色醬汁，有創意如蘋果o者喱也有得揀。
平時食得多中環頹飯人都癲，發現左呢間咁就腳＋價錢唔算太貴（人均＄75左右），
一個星期唔夠已經再翻兜再翻兜，外賣返office食！
Chotto Maki
中環利源西街3號地下 11:30 - 19:00 (星期日休息)
For Collaboration and Invitation,
Please send to : littlecatt@gmail.com
0 意見