✲ﾟ*:₀｡天價煲仔飯✲憶食尚臘味煲仔飯₀ :*ﾟ✲ﾟ
下午1:30
終於等到天氣凍，又係瘋狂打邊爐食煲仔飯的時候。早前見到呢個天價煲仔飯，根據報導餐廳在國內自設農場同工廠，超過9成食材都是自家供應，趁住仲凍約埋朋友一齊試試～～～
清蒸土豬土豬是來自自家農場，八分肥二分瘦，看似邪惡，入口卻不油不膩帶點清爽。
清蒸川味臘腸
師傅刀功好，臘腸切到好薄接近透光的厚度，
單食的話感覺像西式辣肉腸，與蒜片同吃，神奇地有甜味湧出。
一般傳統鹹魚都要醃上一段時間，入口難免失去了嫩滑感及魚鮮。菜式取名一見鐘情，其實是經過短時間醃製的野生海鯧魚，在沒有薑蔥豉油下，肉質比較Q彈且多了一份鮮甜！煎就香脆點，肉質比較結實左鹹香明顯。
廣式臘味煲仔飯(中）
是日重點！臘肉臘腸都唔會好肥膩（至少沒有一層油），油份都全滲入飯中，一開蓋香到一個點，用自家五常米煮出來的飯粒比較長身，粒粒分明帶點彈牙的，雖然貴但好味！
侍應會幫手把飯伴勻，加入葱同埋自家煲仔豉油，正！
我唔客氣啦！
食到尾仲有飯焦，脆卜卜好正，而家已經好少煲仔飯有飯焦！
髪膳粥($58/碗，$118/煲)
髪膳粥沒有加半點額外的糖，甜味來自於食材，內蕨麻、黑糯米、黑芝麻，感覺有點八寶粥的影子，因為沒加糖本身就唔太甜，如果想食甜可以自行加椰汁伴食，取名髪膳粥是因為大部分食材有育髮護髮功效。
喜歡的話，大部分菜式都可以買材料返家自己煮。
就如煲仔飯吧，只要家中有飯煲就可以煮到，米臘腸臘肉豉油都一盒齊晒！
優質食材其實已經贏左一半，哈哈！
憶食尚臘味煲仔飯
尖沙咀亞士厘道22號好利時大廈地下
佐敦文匯街22-24號地下2-4號舖
For Collaboration and Invitation,
Please send to : littlecatt@gmail.com
0 意見