自從上次在 Zenon Cafe 試食了幾款爆谷後,令我不時心生探訪這間小店的衝動!
它主店是位於半山,真是平常好日都不會行到上去~
不過為了食,我的毅力可以好大的!

最近不約而同有幾位朋友生左BB,其中一位就住在店子附近,其實我以為是附近,
原來認真要行過去,一點都不近,那天邊行邊擔心會碌落山..... 笑!
但其實店子是很近扶手電梯的,只是我不熟路行錯了~~~~~

店舖的裝修,就是有點夢幻,可能是用了很多玻璃的容器吧!
分甜及咸的口味,共有8款, 售價為30元(小),45元(大)
店員說其中奶茶及檸檬蜜糖味是它們的Best Seller!

店員見我望著這8款有點拿不到主意,就表示可以先試味~
最後我試了檸檬蜜糖(The Tart),奶茶(The Cha Cha)及咖啡雲呢拿口味(The Buzz)
檸檬蜜糖(The Tart) -甜甜的,蜜糖味幾清香特出,有點像檸茶的味道
奶茶(The Cha Cha) -- 奶味不算太重,感覺幾香濃,而且唔苦澀!
咖啡雲呢拿口味(The Buzz) --感覺就是加了一shot 雲呢拿油的咖啡吧!
有其吸引力,但對我吸引力不大~

最後我買了The Cha Cha ($30/小盒)
我自己就不飲奶茶的,不過呢樣咁 signature 香港的飲品都好經常 Crossover 其他野,
也會好奇試一下,每一次我都覺得好難食....(笑!)
佢係我第一次接觸奶茶味的,而不覺得難食,所以揀左佢!
包裝係一個紙盒,有一個鐘做的把手,可以直接拎住走~~~

呢度的爆谷粒粒都是圓碌碌的,面層的糖漿不會好笠,隔日食都保持到香脆的口感,
一口氣吃10多粒都不會好漏,帶有啖啖的椰子香,
唯一缺點就是把爆谷直接放到盒中,沒有內袋,感覺會好快淋!!
(注:呢度的爆谷是用椰子油做,比較健康之選)

整體來說,覺得爆谷同服務都不錯,店員有禮又細心,笑容足夠,
有機會的話,都會再來買其他味道送朋友!因為沒防潮下始終不可放太久!!

SOTE
半山羅便臣道21號豪景閣地下3B號舖




For Collaboration and Invitation,