記得不久之前去過黃枝記食飯，雲吞麵不錯而其中的花茶好好飲，花味清香，令人難忘，
一問之下這原來是香港仔的Sensory Zero 的花茶，所以一直都好想去再會這個令人傾心的花香，之但係，對於家住新界大西北的Kawai來說，香港仔真心有點遠（地鐵完仲要轉車）。
無意中知道誠品引入了 Sensory Zero，立即約朋友來個Late Lunch。

我是愛書人，當然也去過銅鑼灣誠品，老實說太古城的誠品閱讀氛圍更濃，
一路行來Coffee Shop，竟然見到有桌椅供顧客打書釘書，雖然只是Food Court 的六人桌，
覺得安排好貼心，至少可以坐低慢慢睇，企住打書釘企得耐都挺累人的！

行了一會終於見到 Coffee Shop 啦，位於在書店的小小的一角落，
門口放置了有一部白色的單車，好文青。

主餐牌只有四大張，分別是主食，包類同甜品，餐廳有提供手工啤酒，手沖咖啡及茶。



喜歡食All Day Breakfast 的我，見呢度有素食版的ADB ＄98 就一於試下
無左腸仔，多左大傘菇，雜菌，粟米芯同沙律菜，份量都幾多幾豐富，
雖然全部係菜，但都足夠填滿肚子，大傘菇入面有青蒜蓉醬同芝士，
菇厚身食落除了芝士香外，添了幾分蒜香，粟米芯雜菌無難聞的up味都幾好食。
一直都好喜歡會安排清新素食的Coffee Shop，加晒分。

這裡主打的是精品咖啡，所以大部分的咖啡都可以就客人口味喜好而調配。
我最後揀了Ginger Latte，奶泡打得綿滑，咖啡入面已加了薑粒，
咖啡味中帶有淡淡的薑辣味，辣味輕輕的刺激味蕾很特別。

除了咖啡入面會有薑粒外，亦會附上薑粒讓客人自行加進咖啡中，
不過沖上來的已是份量剛好，所以我也沒有加進去了。

朋友點了斑蘭Baguette，小法包烘到外層脆卜卜，加埋香濃惹味的斑蘭醬，
作為一個下午茶份量都幾適合，睇下書食件包落地大玻璃真係幾舒服。

同朋友一邊傾計一邊食下午茶，渡過一個愉快的下午都係＄200左右，都不算太貴。

剛才同朋友講起話 ADB 隻碟好靚，白底藍花有景德鎮瓷器的感覺，
行出門口就見到可以買走，還可以配成一套，自創生活品味。　

在這間位於誠品的咖啡店，寧靜地享受美食，渡過一個下午，
看看書放空，才是都市人應有的生活態度！


Sensory ZERO
香港仔香葉街2號One Island South G01店舖
太古太古城道18號太古城中心地下誠品生活G014舖