工作關係每個月都有一日會來筲箕灣開會，而對於我這新界人，
確實是很少機會去到咁入，所以每次做完正經事，都會食埋飯才離開！

今日揀左呢間叫南咫，是食星馬fusion 菜的，網上好評是健康版海南雞飯。

我揀呢間的原因其實不是海南雞飯，因為我平時都不太健康，
反而是因為這間店的落地大玻璃，既可以望到街外的風景，又可以好好隔絕外面的煩囂。


最後我揀了籠仔蒸鰻魚飯($68)，大概要等十五分鐘才上枱，
粒粒飽滿的糯米飯上淋上甜甜的鰻魚汁，熱辣辣都幾吸睛，不過我覺得鰻魚汁不是太搭配，
因為醬汁比較稠身，不能流到每一粒飯那裡，第一口太多醬汁，但中間就開始乾了，
倒是鰻魚幾厚肉，骨又少，真係做到啖啖肉的感覺，可能其他兩款會好一點。

糯米飯煙煙韌韌粒粒飽滿，只是醬汁未能均勻沾滿飯粒，味道不算太突出。

蜜糖吐司($58)算是為這餐飯挽回不少分數，用的是甜甜的丹麥方包，氣孔比普通方包多，
所以焗得香脆鬆化，加上已切成條狀，方便用叉一件接一件的吃，沾點清甜的蜜糖，
不致於太乾太硬，做得比一般的Cafe 更出色就是。

最後的凍朱古力透心涼，冰塊不多，飲完又係時候返去再工作了！

餐廳定價屬於街坊價， 都幾吸引而且店員態度不錯的，只是旁邊都是知名的街坊小店，
要平有平要出名有出名，店家要突圍而出的話，相信要再多點選擇了～

南駅 Hainan South
筲箕灣筲箕灣東大街59-99號東威大廈地下13號舖 



FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare