星期六，我同Mr.K 已一早想定節目，先去左西環食少少野再第二度玩！
自從地鐵堅尼地城開通，多了很多選擇，住大西北就算要去西環食早餐都變得好方便。

 我一心來高街找吃，因為上次我經過發現高街多了很多裝修有特色的小店，
日間感覺好似去了歐洲小旅行，行了一會，決定揀呢間行 vintage 風格的 Granville Island，
因為我先前都有同朋友食過大坑分店，覺得食物質素挺也不錯的。

星期六日是Brunch Menu，價錢由八十多元至百多元不等，隨餐會附上餐湯及飲品，
可以在優閒的環境下進餐，這價錢也算相宜吧！

先送上是日餐湯，只有一款，今日的是周打蜆湯。

事先講明我是不飲白湯的，因為早幾年飲過極難飲，有一堆未溶的東西在浮沉，
應該是奶粉吧，而且我不好奶味重的食物，因為Mr.K 說很好飲，我就試一口，
真係有蜆味，入口Creamy 但奶味不太明顯，每碗都有不少的食材，小蜆肉超滑身又鮮味。

Mr.K 揀了黑松露炒蛋($108)，會跟多士，黑醋沙律菜，薯仔蕃茄仔等伴菜，
其實加加埋埋已經係一份足料的All Day Breakfast 了。

炒蛋上面的黑松露係超多，所以一上枱已聞到獨有的松露香，
蛋炒得滑身，好完美的組合！沙律菜用黑醋調味，酸酸的好開胃！

我叫左烤雞肉凱撒沙律(醬汁另上 $118)，雞肉是烤過的，入口脆身香口唔鞋口，
而沙律菜份量屬於多，是整個碟底都是菜而且不是薄薄的一層，所以食完夠飽～

最後仲點了ShakShouka $98 (另加$15可加煙肉 雞肉或芝士)
底層係用蕃茄做 Base，再加埋芝士雞蛋及香草，上枱熱辣辣香噴噴，
雞蛋仲係半熟的，味道有少少辣好惹味，以烘脆的多士麵包點來食就最適合，單食有點咸！

來過兩間分店，服務都無令我失望，
店員見我地兩個又會主動問你是否Share食，並立即送上小分碟，
又會提醒出面下雨，都算幾貼心的服務。
因為好大雨的關係，我們在店內邊食邊等停雨，
周日點主食可以任添餐飲（汽水或茶 果汁就只包一杯）
見雨勢弱了才走，最後我們飲了好幾杯才走，由店好多人食到無人，爽皮。

Granville Island Hong Kong
西環西營盤高街64號地舖

FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare