.｡₀:☆ CP值高的巨人漢堡 ♥ 新森林焗之專門店 ☆:₀｡

下午1:30

在尖沙咀同朋友傾完野，打算到附近食少少野，

呀！朋友見到呢間店，立即話佢以前返工附近都有間新森林，差不多係飯堂黎。

因為咁，我地的晚餐就決定喺呢度食，加上我睇中左個巨人漢堡，嘻嘻！

因為都會叫餐，就先叫左野飲，我揀左鮮檸檬金桔蜂蜜粒粒珍珠綠茶（跟餐另加$6）

不會太甜，除左蘭香子之外，中間仲有少量帶酸味的爆珠，多重口感配焗飯好爽！

餐湯有紅白兩款，我揀左紅湯-羅宋牛尾湯都幾多蔬菜，牛味濃郁，每口都嚐到清新的蕃茄香甜，after taste仲有香草味，開胃又好飲。

跟餐仲有牛角包，佢係比較軟身的包包，切開見到分層豐富，唔好睇佢淋淋地，牛油味都幾濃烈下，我以為會唔好食，點知吸左湯後竟然好好味。

小食我揀左松葉蟹肉海鮮焗帶子

入面係有一隻大如5蚊銀的帶子，帶子好厚肉，上面舖滿松葉蟹、碎海鮮及芝士碎，食落就有帶子的鮮，松葉蟹的香味，層次感都幾明顯。

自家香料炸素菇

睇佢個樣一啲都唔似係菇呀！真係呃晒全世界，你話係麥樂雞都有人信，切開的質感都似肉類㗎！我欣賞佢唔會滴晒油，食素係健康但油淋淋那些，真係食得多唔慌唔爆血管！

我個巨人漢堡嚟啦！韓風雞肉芝士滑蛋巨人($62)
份量係大如Triple O, 仲有薯條同粟米粒伴吃，只睇份量的話，CP值勁高！

廚房知我地分著吃，主動幫我地分左四件！
雞肉係用茄汁為主要調味，辣味不明顯，入面仲有炒蛋同芝士，炒蛋質地滑溜火喉剛好！
漢堡包包皮鬆軟微熱，成個配搭好正！隔離啲薯角熱辣辣脆卜卜，而且不會太咸！

不過咁，我地覺得韓風的菜式都應該是偏辣的，所以有點覺得奇怪就是！
可能泡菜形象太深入民心吧！

食到尾聲，店員介紹價值28元的慈善蛋捲，入面除左蛋捲外，仲有一張價值10元的餐券，憑券另加10元可以換取兒童餐一份！而所得收益是全部撥於「新森林之樂苗行動」作慈善用途呢！

新森林焗之專門店
尖沙咀寶勒巷22-24號雲龍商業大廈地下A舖

For Collaboration and Invitation,

Please send to : littlecatt@gmail.com

網頁