星期六瞓到下午，又無左一個朝早，更加無左個早餐，
旁晚約左姊妹淘整頭髮，為左追返個早餐，我周圍打電話問人，
最後，朋友話灣仔有間小小的法國菜餐廳有Brunch 供應，仲至到五點正，
就這樣我地就出發了！

店子位於金鐘同灣仔中間，就是在巷弄中，人流不多，雖然成條街好多不同類型的餐廳，
但應該是熟客才會走過來那種，餐廳中間設有開放式工作枱，
當日來到仲有新印好的Menu 呀！

我的早餐呀！我揀左呢個叫Croque Madame, 

其實佢係一個法國的傳統食物，材料包括農夫麵包，層層叠的夾著火腿，芝士同流心蛋！

太陽蛋煎得超靚仔，蛋黄仲係流心的，滑溜的蛋汁配上比較乾身的農夫包，
一啖食落口，真係絕配嚟！

切開後，會見到明顯的分層，用芝士把各項的材料貼在一起，
芝士煎到脆脆地一點都不油膩，中間的法國火腿富有咸香嫩瑁，成件事好Perfect, 
本來都仲忟忟地遲起身㗎！食完忽然開心返！

朋友點左 Portobello and Mixed Mushroom Spaghetti, 呢個係純素嚟嘅，
加左黑松露油去煮，上枱後係不停滲出濃濃的黑松露香！
本小姐最愛黑松露，所以都忍不住要分一杯羮！

意粉Al Dente, 不會過淋或者太硬，每條意粉都被大量的黑松露油包著，食得好滿足，
而且菇類炒得好爽身，質感上不會有淋晒之感！

另外，叫早餐Menu 仲會多隻半熟蛋！

食完早餐，見到餐牌有Homemade 雪糕，我又好想試，
可以配Waffle 或 Crepe ，所以我地兩個又各叫了一客試試！

先講Waffle,佢係比較薄身的，入口微暖脆身富蛋香，
相對台式厚身的，我更愛這款，感覺比較輕盈，而上面的Homemade 雪糕係香草味，
我以為係雲呢拿吧！原來入面真的有香草及雲呢拿籽，奶香豐富，但溶得尚算慢，
中間的焦糖菠蘿都不錯，沒有重重的焦糖層，入口甜甜地，
甜而不膩就是我對這甜品的評價吧！

仲叫左法國傳統的Crepe,喺煙韌的Crepe 皮上放上焦糖漿，
自家製的香草雪糕 及用焦糖煮過的香蕉片，
相對另一間法式小店，這間口味比較輕怡，大啖吃罪惡感也不大！

整體來說，價錢相宜，氣氛也輕鬆，呢個早餐食到唔願走，這樣吃人均消費大概是百多吧！下次會來試一下法式咸食的Crepe,相信也會做得不錯的！

Odelice!
灣仔蘭杜街2號9號舖



For Collaboration and Invitation, 
Please send to : littlecatt@gmail.com 
FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare