上次喺九龍城諗住食餐飯都嘈到頭都痛，好掃興！

今次留意到DK Cuppa Tea 有新 TeaSet 推出，立即Send 相俾靚女，
定價$298 最少二人前，定價驟眼看好似係貴左啲，
但難得大家都喜歡，一於就揀個星期六，拋狗棄貓出發去！

呢個teaset 係要預訂㗎！
餐廳安頓好左，就先幫我地影即影即有 ，仲影左三張俾我地揀添！

今次Tea Set 的主題係 Alice in Wonderland，而 點題香味是茉莉花！

有睇過呢個童話故事，都知道愛麗絲飲左神奇藥水 Drink me, 就會縮細並進入夢幻世界。

一開始，店員先送上一杯藍色的花茶，其實佢係蝶豆花茶，冇特別既味道，
呢種花茶本來就係藍色，唔係色素嚟，主要嘅功效係身體健康，所以我地放心地飲左好多！

等左一陣間Teaset 準備好,  係用一個綠色的盤裝住嘅，好似一個草地，
上面仲有兩朵永生花做裝飾，好靚！
接著，工作人員同我地做儀式，就係一齊大叫咒語，
用火槍把黑松露芝士火鍋面層的芝士燒溶，再加埋我地抽到的 幸運符，燒埋就可以食！
唔使擔心，張符其實係糖片嚟，燒左就係焦糖了！好香㗎！除左香，芝士仲可以拉到絲！
呢個迷你黑松露芝士火鍋，
可以點旁邊的 Parma Ham, 三文魚，法國蝸牛，青口，蝦，芝士粒等等食材，
當中的有機麵包 同埋 有機慢煮雙色薯仔粒，最得我的歡心，
香脆的有機麵包加左香濃的黑松露芝士，唔洗問都知好好味。

食完火鍋，仲有High Tea最重要的甜品，
今次的主題花香係茉莉花味，所以大部分的甜品都係以茉莉為主要味道，
心型啤牌曲奇，Eatme Cupcake, 同埋白兔馬卡龍，都係一咬開就嚐到滿口茉莉香，
呢度的甜品都係低甜的，我同朋友都好驚喜！
兩顆圓滾滾的馬卡龍係茉莉味，不會過於甜膩，正！

話咁快已經去到尾聲，兩顆朱古力分別係玫瑰造型同 Eat Me造型 都係呼應故事的，
玫瑰造型的朱古力，入面係莓味軟心朱古力，食落酸酸地，幾開胃，
另外一個寫左Eat Me 的係榛子味道的，都係令人一食難忘！
故事入面，愛麗斯食左Eatme 就會返嚟現實的世界，咁呢度都有準備到，
呢個Cupcake 質感綿密，Cream Cheese不甜不膩，茉莉花味好突出！
最先，負責人幫我地影左三張即影即有，可以寫許願卡，我地仲可以一人Keep一張留念！
呢兩粒朱古力因為太飽，拎左返屋企俾左媽咪食，所以唔知咩味道！
總括來講，我地喺Wonderland 玩得好開心，飲左好多Magic Water, 好似High High 地！

我地仲約左再嚟食另一個TeaSet 呀！期待中！


DK Cuppa Tea