好日唔睇電視，前幾星期無意中睇到電視介紹呢間火鳥Firebird，主持人介紹火山鮭魚卷、盛滿壽司等等，賣相精緻又好似幾好味，立即約在銅鑼灣出沒的朋友一試。店子在銅鑼灣邊寧頓街，不算太難找。

今次飯局由夏天約到初冬，可見當日萬聖節主題裝飾品也未及拆除。中間開放式廚房望到廚師在忙著泡製美食。而餐牌亦加插了季節限定的菜式。一場來到，當然是試試新菜式吧。
松葉蟹蟹味噌甲羅燒（季節限定）$168
不時不吃，秋天是松葉蟹的解禁期，三月前食就最正正子了。
松葉蟹蟹腳質感比較結實，吃時配上脆卜卜既多士同微暖既蟹黃味噌，勁正！

食前先把日本雞蛋拌勻，再用蟹黃味噌塗麵包，味道鮮而不腥，超好吃。

阿波美雞翼串$26
四國名產阿波美雞是走地雞，行得多自然脂肪含量低，大大隻夠滿足。
雞翼外皮燒得夠香脆，脂肪不多的情況下依然保留到肉汁，不用太多調味都好夠味。

特上鰻魚釜飯 $118
淡黃色的釜飯粒粒圓潤飽滿，店長說是在生米時已加入堅魚湯一起煮，讓湯汁逐點吸收，所以一打開蓋的時候好香噴嘖，當然食的時候都覺得吸收晒湯的精華，再加埋鰻魚一齊食真係超夾！

海鮮寶箱壽司$188
最後仲食左個寶箱壽司，眼看份量唔大都擔心會唔飽，但因為材料超多，食完係好飽好滿足的，有牡丹蝦、海膽、三文魚子、吞拿魚腩蓉等等，超豐富。而下面嘅青瓜反卷清新而不會有喧賓奪主的感覺，不錯不錯。

服務員細心有禮，一眼關七，當晚不小心整跌左筷子，還未開聲店長已經拿來一對新的俾我，他說聽到有人跌筷子，太強了吧～呢度有好多Cocktails，氣氛Cozy，的確好適合一班朋友吹水飲野的。
FireBird
銅鑼灣邊寧頓街13號集貴中心地下

For Collaboration and Invitation,