去完 Entertainer Launch Event 後見有點餓，三位早走的小姐決定食少少野先各自返歸！
最後朋友介紹左我地去近近地的 Y Pasta。 估不到時近九點入座都仲好多客人呢！

這應該算是宵夜吧，三位小姐決定叫Share Menu。
先點了一個夏日田園沙律
店員未放下已經聞到甜甜的新鮮草莓香，因為呢個就只有蔬菜及草莓汁， 味道天然好清新，果然配合夏日的名字。蔬菜沒什特別，不過份量都幾多，加上健康的配搭，我buy！
老實說，平時的沙律汁才是減肥大敵，換上鮮果汁多了一份清新感！好感up！！！

酥炸雞脾菇配芝士醬
這個小食是Y Pasta獨家自創的，把雞脾菇切到條形再炸，方便點醬，炸得不算油膩，食到尾都無話成碟都係油，只是菇身有點過乾，總括有點美中不足。

黑松露醬鮮帶子意粉
呢個係朋友介紹的，一上桌份量不多而且感覺略貴，不過吃下就覺得值得的，首先帶子是名符其實的「鮮」帶子，不是平常的便宜貨色，份量夠大粒而且嫩口，煎到半熟狀態不得了。而意粉加入了適量的黑松露醬炒，熱辣辣又彈牙，就是 al dente！

忌廉汁野菌大蝦匾意粉
一向都好怕一堆堆的白汁，感覺好膩好滯，但這裡的意粉醬汁份量是剛剛好，足夠每條意粉，大蝦爽口彈牙，比想像中好。

三位小姐食力當然不只這樣少，留肚叫甜品才是皇道。嘻！
焦糖燉蛋是即做的，上面的焦糖燒得好靚，滑溜且蛋香十足。

最後的是外型美美的玫瑰蘋果配haagen dazs雪榚
用切片的蘋果切成花瓣的造型，焗後有如脆片般的口感，內裡依然是果肉，除了賣相精緻外，也比一般的甜品來得健康，始終是真。蘋果做材料。旁邊的雪糕是哈根大師抹茶雪榚，味道質素都不會太差吧！

一客意粉定價大概是150左右，的確有點貴，但食物的材料都是優質的，不能同平時的普通貨色比較吧！欣賞佢地都有花過創意，令出街食飯都可以更健康。

Y Pasta
銅鑼灣駱克道459-461號The L. Square14樓



For Collaboration and Invitation,