其實，Kawai 是見到IG 上的小屋相片，覺得好靚好特別，心心眼上腦。
知道Mr.K要補假就立即衝去。客人可坐選擇坐普通的餐桌用餐，或者在仿草草地上也可，而我當然是跳入草地中。（記得要除鞋的喔！）



看過餐牌，有甜品亦有意粉等咸食供應，有部份更是食物期間限定。

Mr.K  點了 麻辣雞粒意大利麵 $88 （期間限定）
看似不搭配，大欖都扯唔埋 的 中式麻辣雞粒 同 意粉，其實成品是好好味，估佢唔到。一上檯已經聞到濃濃的辣香，但食落辣味又不如想像中濃及嗆喉，但卻充滿麻度，就算不太吃得辣的朋友都易入口，意粉軟硬度亦拿捏準確，不會太軟身，雞肉都夠嫩滑，好特別又惹味！Mr.K 亦讚不住口。

我點了同是期間限定的白酒葡萄黑醋巴馬火腿意粉（$88）
這間小Cafe是用開放式廚房的，所以一邊等食，一邊都會聞到香味。這個意粉由廚房拎出來已經聞到一陣醋香，食落酸酸地有淡淡的白酒香，配埋咸香Parma ham，油潤之餘亦平衡返個酸味，感覺清新點！

菠蘿柚子特飲，說實在的，是普通Cafe出品，有水果味的梳打吧，味道驚喜不大，但以鐵造的環保飲管代替膠飲管，可以循環再用，老實推行環保概念，令我非常欣賞。

該知道用不鏽鋼飲管會增加工作量，因每次用完，特別的工具及花時間清洗，會比用即棄飲管更麻煩。 而膠飲管是地球十大海洋垃圾之一，飲一杯凍飲只需幾分鐘，但地球分解一支膠飲管就需要400至500年，香港每年製造數以萬噸的塑膠垃圾，不少塑膠垃圾最終棄置堆填區或海洋，對生態造成傷害。

爆脆草地滾球 $88
碟上鋪滿綠色的抹茶金寶（扮草地），用附上的小木槌敲碎朱古力波，
就可以品嚐到內裏的Tiramisu雪糕、甜酒啫喱及朱古力脆米，睇得又食得！

靚靚的大蝴蝶是食用紙（無特別味道的），綠色的草地脆脆好香綠茶味，而Tiramisu雪糕係用
movenpick 的，質素自然唔會差，自己覺得定價偏貴，同埋玩左好耐都唔捨得落手敲碎。




俾多幾張Mr.K幫我影的相，大家去的時候就可以影多D靚相啦！

頭上的花環是朋友送給我的（自備不是店家的）影相位一定是從小屋窗口外往內拍！
因為仿草地只有三張餐桌，假日的話建議可以早一點去，或者先打電話去訂位喔～

草民 Grassman
尖沙咀厚福街12-12A號藍馬商業大廈9樓




For Collaboration and Invitation,