上到去，發現餐牌增加了不少咸點，不再是一年前的只有甜品甜品及甜品的。以商業角度來說，要男仔肯入門口，當然有咸食最好，但感覺上就不如當年的專注了～～

Ruby Peach
是唯一兩個從舊Menu過渡至新Menu，就知佢有一定的捧場客，而我都是為了它來的！
除了血桃外，伴碟也花了不少心思，用了很多食用花作佈置，賣相滿分。

切開面層朱古力Coating，露出白色蜜桃慕絲，質感軟滑唔太膩。中間夾著蜜桃流心jelly， 酸酸甜甜，夾住食口感清新而不膩！

Shiratama 
除左好亮眼的血桃外，呢個充滿日式感覺的甜品都好吸睛，用料亦加入了養生功效食材，如桃膠，紅棗，桂花奶等，邊食邊養生是大勢所趨吧。

品嚐前要把壺入面的桂花奶加入一同吃，微暖的奶令成個甜品生色不少，聞到陣陣的桂花香味，不過食起來就沒有太重的桂花味，倒是口感滑溜一點。中間那顆是湯圓餡料是番薯，外皮煙韌，餡料也不會死甜，點到即止，旁邊附上的豆腐雪糕，清新滑溜口感非常好。

最後，仲食左個藝術甜品，見到師傅逐樣遂樣加上白色的畫紙上，大概半小時就完成了！
途中會解釋下用什麼材料，味道如何等等，見證著由白紙到完成，過程都幾好正～
難怪咁多人喜歡周年紀念去食呢個甜品啦。

當日，師傅設計左一個富有聖誕感的構圖，雖然聖誕節早過了，但真係好靚，心心眼！
仲要加埋係女生至愛的Tiffany Blue 為主色，實在捨不得吃了～

Tiffany Blue 的波波入面仲有自家製的粉紅色龍鬚糖，完全係中晒女仔的喜好！
個人覺得呢間甜品畫好食過A字頭，如果要同女仔慶祝不妨參考下我的建議～～

DOUX
旺角彌敦道726號18樓全層




For Collaboration and Invitation,