｡Oﾟ☆｡當手卷遇上Pizza。KENKOU Maki Pizza Bar☆｡Oﾟ
下午1:30
生日周就是不停瘋狂食，食左幾日開始滯滯地，決定食得清新點！
今次去左灣仔o既KENKOU食Maki Pizza， 即係手卷Pizza是也～
因為餐廳夜晚會變身酒吧，入面設有掟標機，環境難免有少少煙味～～
餐廳名 KENKOU 日文是健康的意思，供應共15款Maki Pizza，當中5款是和營養師一起研發的，並附上營養師報告，亦有幾款是素食系列，都算幾多元化。
食物會放在一個大盤奉客，揀左兩款 Maki Pizza，另外仲加點小食及健康果汁。
餐牌最吸睛就是它，八吋長Pizza上面有兩大隻原隻龍蝦鉗，配合芒果、甜蛋、粟米，再淋上由煮熟左既龍蝦消化腺mix千島醬。店員建議可以先吃了批邊的小卷才吃Pizza，醬汁比想像中淡味，不會令飯身過份濕淋，米飯是日本珍珠米，先不說價錢，味道我覺得是不錯的，只是紫菜底有點薄食o既時候就有點狼狽。
明太子貝柱蛋絲
貝柱用明太子調味，味道有少少辣，貝柱份量都算幾多，滿滿的一層舖滿珍珠米上，加上青瓜粒及蛋粒，沒有額外的醬汁但味道也不會太寡，因為第一件吃得非常狼狽，所以食第二件前我地先問店員，佢教我地可以把Pizza分成三份，三角形的pizza先摺起尖尖，再把兩邊的角都向內摺才吃，不過都係挑戰失敗，貝柱依然都跌到七零八落，哈哈！
素魚豆腐
本來以為都是一般的來貨翻炸貨色，姐本來就是偏食底，不愛假素肉。但因為店員說是自家製的，就試一下，口感彈牙有魚味，幾可亂真到有點似食緊魚片頭！
飲品揀左鋼鐵人(胡蘿蔔、菠蘿、蘋果) 同 肝肝好（紅菜頭、菠蘿、香橙和蜂蜜）是鮮榨果汁，整體味道不錯，但跟餐的份量就比較細杯了。
整體來講，Maki Pizza 的味道唔差，但食o既時候就有D狼狽，不過不失，算係試左新野啦
PS 餐廳在做晚市free flow 優惠，任飲酒類都係$288 (男仕) $158(女仕) 。
地址：灣仔活道1A號地舖
電話：2947 7333
營業時間：11am-12mn
For Collaboration and Invitation,
Please send to : littlecatt@gmail.com
0 意見