日本菜

❆超誇張 ♥ 大過手掌的穴子天婦羅 ♥ 金子半之助 ❆

下午1:30

限聚令下已好久沒出街吃飯，某日下午經過見到呢間舖終於無人龍，就把握時間試試吧！
我當然知道 金子半之助 是日本第一天丼，一如其他百年字號一樣，餐牌選擇貴精不貴多，
只有三款日式天婦羅丼飯，及當日新上市的烏冬set。

揀了江戶前天丼，因為長達30cm長的穴子／星鰻實在太吸引，食落脂肪比一般饅魚少，肉質纖細，就算經過油炸都唔會好油膩又唔會食到有骨。

 穴子size大隻過我手掌，超大！不過我自己最喜歡的是小柱魷魚天婦羅餅，香口得來又唔油膩，所有炸物都係用古麻油炸製，在半開放式的廚房即叫即炸，外皮不會被白飯的蒸汽和醬汁弄得軟腍，食到尾都仲脆卜卜的，上枱時店員會建議先用秘製醬汁拌飯，食到一半先將半熟蛋戳穿撈埋一齊食，咁就可以試到獨家的醬汁而又唔會乾哽白飯！喜歡食辣嘅可以加埋七味粉調味呢～

日本料理

✿~ 日本過江龍 ♥日本京都第一西京燒 ♥ 京都一の傳~✿

下午1:30

日賣近3萬片西京燒的京都百年老店，被譽為「日本京都第一西京燒」的京都一の傳 星期三喺香港開設海外第一間分店。總廚佐藤暢郎特別為香港人定制輕懷石料理午餐，價錢比日本仲要平！西京燒有幾出名？出名到日本官方將3月9日定為「西京漬節」。點解係3月9日？日文中“魚“的發音：“サ（3）カナ（7）”，即係3月7日﹐由於每條魚必須醃制兩日﹐所以加多兩日﹐變成3月9日！

餐廳提供兩款午市現代版輕懷石料理套餐：清水Kiyomitu $158 / 祇園Gion $288
比較貴的祇園Gion 套餐會多兩款主食: 旬野菜椀 及  蟹肉羹鰻出汁蛋卷

8款前菜盛合 （前菜隨季節變化）
前菜用京都一の傳的一字形長盤奉上，以濃淡度由左至右一字排列，最左邊的茶碗蒸是最淡味的，之後是胡麻豆腐，廚師用芝麻打成醬再定形成豆腐狀，入口即化帶點QQ口感的，滿口濃芝麻香。接著是蜜煮楊梅，京風茄子天婦羅，脆漿加了少量米通，比一般的天婦羅再脆D。

 果醬魷魚，上面的果醬酸酸甜甜好好食，胡椒醋雞肉有點似中式的炸雞加薑蔥的感覺，
最後是金槍魚壽司，由於已經漬了，不用額外加調味，由於係關西口味，整體比較清淡的。

大坑

❆CP值高的omakase午餐 ♥ 壽司藝 ❆

下午1:30

晚市食Omakase，動輒都要四位數字，識食的當然係食午市，比晚市平而且質素唔會差！
老闆忽然話想食好D，最終搵左呢間o係大坑壽司藝，貪門口有錶位，泊車上落容易
午市10件壽司再加一碗烏冬連加一都是300左右，我地係搭的士來回，計埋的士錢都賺左～

坐下侍應已送上三款前菜及茶碗蒸的拼盤，茶碗蒸蒸得好滑溜，好食。

裝修是典型日本風，除左一間包廂外，客人都係坐吧台，望住師傅整壽司～～
當日都唔算太多客人，一個師傅服務一組客人，輕鬆有交流！
揀左10件壽司o個個Set，師傅了解左我地有咩唔食就著手遂件整，魚生口味由淡至濃。
第一件出場係帶子壽司，帶子好厚身，加左少少柚子，多了一份清新感！之後是深海池魚，肉身滑溜，完全沒有腥味，讚！牡丹蝦壽司，蝦肉又甜又彈牙，超級滿足， 輕輕炙燒左金目鯛，迫出魚油後，一點都不膩，油甘魚就爽中有魚香！

日本料理

｡Oﾟ☆｡初嚐立食（立ち食い）。鮨廷☆｡Oﾟ

下午1:30

尖沙咀金馬輪道開咗兩間好有日本特色嘅 立食（立ち食い）壽司店。顧名思義，店舖沒有沒有座位提供，客人只可站立享用美食，香港人生活節奏快，咩都追求快靚正，呢種飲食文化可能正正適合香港人急速的步伐！所有壽司都會喺你面前即刻整，你可以睇到師傅點整，有點像omakase!!　店舖不大，裝修整齊簡約，大約可容納十多個客人。



點餐主要是用點菜紙，有Ｄ似中式點心紙，
食完一轉要加單的，就再tick加單那一行，都幾易明。

土瓜灣

❆日本直送海鮮丼專門店 ♥ 夢の丼❆

下午1:30

臨近過年有點過勞死的感覺，今日見有少少時間就決定同Mr.K食好D當係慰勞下自己。
身邊幾個朋友都不約而同話呢間o既丼飯好高質，其中幾個更說吃不到拖羅丼決定擇日重賽，
講到咁好搞到我未出發先興奮好高期望！

其實佢個位o係近土瓜灣，平時真係無乜機會經過，我地係專程去的！

 拖羅丼($338)
姐最喜歡食拖羅，不過香港大部分都唔夠新鮮，朋友說到是必食就當然要來一個
呢個丼飯包含左大鮪魚腩、中鮪魚腩、碎蔥鮪魚腩、大灸大鮪魚腩、赤身漬同玉子漬。每一片魚生都係厚切，啖啖鮮味吃得很過癮！大拖羅油脂豐富，筋位唔多入口即溶！而火灸鮪魚腩燒完魚油標晒出來，佢個丼飯底用赤醋飯，撈埋自家製的玉子蛋黃一齊食，超好食，難怪朋友食唔到好唔忿氣要再黎！

元朗 Yuen Long

｡Oﾟ☆｡ 巨型海鮮刺身丼。漁吉海鮮丼專門店 ☆｡Oﾟ

下午1:30

最近好多朋友都搬入黎元朗住，第一個感覺就係元朗好多日式小店，
今次試下呢間由九龍城開到元朗的漁吉海鮮丼專門店 ！
店舖以不同的刺身丼飯為主打，款式多大大碗，花多眼亂最後揀左期間限定 - 月見丼 ($178)
刺身有海膽、鰤魚、油甘魚，再加上火炙過的加拿大海膽，大堆頭到擔心食唔完！

 厚切的油甘魚刺身，件件都鮮甜肥美，伴著柚子胡椒一起進食，多了一份清新口感。鰤魚是吃甘橘長大，魚魚肉滲出淡淡果香魚脂，非常特別，而加拿大海膽經過火炙更香口綿密。

日本菜

(｡◕‿◕) 性價比超高 ♥ 六百元Omakase ♥ 鮨心 (◕‿◕｡)

下午1:30

不時不食是中國傳統飲食哲學，即吃東西要應時令、按季節；如今，物質豐富、科技發達，想吃什麼，就立即手到擒來。食物好像不受時間限制，不時不食變得可有可無，在各國菜中以日式的廚師發辦是最當造的，不過平時食廚師發辦動輒也需要千元以上。

 這天晚上，生日想食好少少，而同行朋友是剛畢業，最後選了這間比較經濟的日式餐廳慶祝，這裡的Omakase最平只是600大元，價錢定位實在化算，還要在旺角區的，試下沒損失。

 先來的超大堆頭的前菜，切得好精緻，活像一幅藝術畫，細數下有12個小項，

當中包括：生燒鰻魚，京都蔥花卷，有機甜粟米，雪魚，牛舌，黑豆，南瓜，芝麻燒雞等
自己最喜歡的三款是甜粟米，生吃都很甜美多汁沒渣，小蟹子非常可愛而且好脆卜卜，
是有點殘忍但好香口，牛舌脫水後似乾果條，點豆腐醬汁很好吃，有點像吃薯條一樣。

中環 Central

～✿公商區的靚靚日式便當 ♥ 森川 Morikawa Bento ✿～

下午1:30

Kawai 在金鐘中環上班，如果留在Office不用出街的日子都會帶媽媽飯，
外食一向又油又無營養，媽媽飯先係最好食。
不過一星期總有幾日要出街，外食都係無可避免，唯有小心揀無咁多味精啦～

 呢幾個星期都忙一個大Project，完成左成班同事又話要慶功，又話要食餐好，
一個半鐘頭去得邊，所以我地決定叫外賣！


 o係 Pantry 外賣紙度搵到呢張日式便當的傳單，雙層便當相片好精緻，
同事們知道食好西都非常興奮！

大蔵季節料理

・ღ 精緻的三層和風便當 ♥ 大蔵季節料理 ღ・ﾟ

下午1:30

忙了成個月的大Project 終於完成，同事們決定用公數食餐好的慶祝！
最後揀左呢間平時夜晚係食Omakase 餐廳食午餐！


平常夜晚要千元的人均消費，而午市就平了一截，套餐索價大概由200-300左右....

因為套餐都會包茶碗蒸，前菜，沙律，餐茶等...
我地落左單，店員就先送上前菜及茶碗蒸！
茶碗蒸加入了蟹肉同菇一起蒸，味道清甜，質感嫩而不老身，
好吃的前菜令我更期待這一餐慶功飯....

日本菜

☆ 又一清談夜 ♥ 勝八居酒屋 ☆

下午1:30

有些朋友不常見，但見面時總有說不完的話題，
Kawai 性格慢熱，友誼都是要時間慢慢的陪養出來，
這晚就與一位無所不談的朋友，（我的小天使），一起吃飯談過痛快

因為每次我們踫上，口水浸死人，所以沒限時的居酒屋，自然是我們的首選

位於永光大厦的勝八居酒屋，簡約的日式裝修，
令人覺得自己身處在日本一樣，很有家的舒適感

 這兒的店員滿友善，會根據當日新鮮的食材，推介好吃的，
菜式上枱到時又會簡單介紹一下

我們先點了一些刺身
牡丹蝦,剝皮魚,日本海膽刺身
先說平常比較少食到的剝皮魚，肉質細嫩味淡，上面放上大廚以魚內臟製成濃郁醬料，
一濃一淡，配合得天衣無縫

日本菜

oﾟ☆｡創意日式 Fusion ♥ 稚內日式創作料理☆｡oﾟ

下午1:30

Happy Wednesday!!!上星期三放工後,約了一班朋友去食飯,
其中一個朋友話想食日本野,對我而言,星期三只要不吃小炒我就好安全!
日本菜大部分的菜式都是刺身壽司類居多,
而其中一位朋友是不吃魚生,所以就找來了一間Fusion 日式菜館,
至少選擇比較多....

 來到了太子警署後面的稚內日式創作料理,
一入來深啡色的實木建築,壽司吧上有大量的清酒, 價錢也算合理,
這裡也有 Wine Pairing, 不過,我不喝酒,所以沒有聽進耳朵裡~


 餐廳食具也是一絲不苟,很有處女座的感覺,
不論自家用的餐具,或是上菜用的碟子,都是畫上同一個圖案的...

日本菜

.｡₀:✿ 季節時令 ♥ Omakase ♥ 信州日本料理 ✿:₀｡

下午1:30

自從上次同姐妹淘去完西環海旁的 Bistronomique 吃晚飯後,
一直都想再來附近的餐廳試試,反正坐地鐵話咁快就到(如果無事故的話)...

 早前,有朋友下午到了港大見工,就提出去海旁找一間餐廳食飯,
朋友屬意日本菜,我自己對放題一向興趣缺缺,
知道附近也有廚師發辦的餐廳,而且收費也公道,決定一試!

 我愛廚師拍版是因為我是極為喜歡近廚得食的感覺,好像在看Jamie Oliver,
不過朋友說想傾計,結果我們都是坐四人的餐桌就好!

 Omakase 簡單來說是由廚師以最當時得令的食材去製作料理,
與中國人的不時不吃有異曲同工之妙,不過Omakase 事前是不知道的,
驚喜度會比中菜更高,當然,你有不想吃的食物也可以提出的喔!

 這裡的Omakase 分了兩個價錢,價錢高一點的食物份量比較多,
而價錢低的相對份量就比較少,我們二人就選了一大一小的分著吃~

 先來的是旬前菜  
今日是汁煮海螺及清酒八爪魚,
先說汁煮海螺,醬汁不濃重,可以吃到新鮮海螺的鮮甜爽口,
而清酒八爪魚,醬汁也是不濃重,肉質少彈牙

日本季節生蠔--仙鳳趾蠔
定價較為貴的Omakase 是有生蠔的,今次的季節生蠔是仙鳳趾蠔,
因為Kawai 是不吃生蠔的,就算吃也是門外漢,為免浪費,就交由朋友處置,
不過看樣子也夠飽滿,感覺是挺吸引的喔!

Like Me Facebook