疫情加限聚令，好多時都會選擇一個人食飯，我自己就幾開心的，因為唔使就來就去可以多點即慶選擇嘛，朋友介紹下，試左呢間位於荃灣的四川菜麻辣風雲，值得一提係少數麻辣黃店啊，無辦法呢排WFH堅係食到口淡淡，味蕾要少少刺激～餐廳上下都有唔同的食肆，麻辣風雲在二樓所以要行幾級樓梯，中式裝修D枱唔會好密，食得安心都好重要。

姐唔係好食得辣，所以揀左屬於微辣級的口水雞飯套餐(因為見到Poster寫逢星期一晚市都可以加$1享用應該是招牌菜吧)，估唔到呢個價錢份量幾多，口水雞口感嫩滑唔算好辣，反而麻香比較明顯，最後都係食唔晒要打包返屋企XD

出山去尖沙咀貼天灸，天氣凍加上中醫話我呢排胃唔好，要食多D飯，加上凍好想食個飯暖暖肚，想起曾經在附近食過好食的牛舌飯，就行左過去找，點知太晏已經賣晒，唯有叫其他啦 XD
店名雖然叫牛魔，除左牛之外都有其他菜式選擇的～，

最後揀左豚肉生薑燒爆丼$85 + 金桔梳打 $15
落單之後，店員隨即送上沙律/前菜/湯等食住等

豚肉生薑燒爆丼$85 之前都有食過，份量依然澎湃，五花豚肉夾雜少量肥肉，所以唔會好鞋口，仲堆到好似小山咁，個薑汁有少少甜味再埋溫泉蛋一齊拌飯食，略濕但好好好送飯。