最近我的憂鬱指數極高,
可能秋姐姐逐漸步近吧,
情緒每當愈下的情況下,連blog都冇心機update了
星期五返到CPH覆診時仲係替假醫生面前喊
(我好少o係唔熟o既人面前喊~但我真係頂唔順)

我已經嘗試自救,但好似冇咩效~
睡得愈來愈差,唉~

星期五覆完診就趕去樂活一站的活動
其實都唔係好想見人,又眼腫腫咁
(我之前冇預計自己會喊,如果早知我寧願唔去活動)

今次的活動選止在中央廣場的City Link Golf Lounge,
顧名思義係一間Golf Lounge,提供o係室內打Golf的地方~

坐左一陣就由司儀Fiona介紹今日的活動,
仲請來按摩導師示範及講解~教左我地美白同簡單自我按摩的要訣

聽完Talk,就係我地最期待的環節~
我地每人都得到一位專業按摩師幫我地進行45分鐘的肩頸按摩

你地睇下幾多姐姐,一時間人頭湧湧呢~

其實我係未試過俾人按摩~只係試過刮痧
因為我好怕俾d唔識的人掂,
但係今次幫我按摩的姨姨很好,唔會太大力,令到我很Relax
佢知我瞓得好差,所以特別幫我加多d時間o係某d位置

當然都市人的問題我都有,因為打得太多電腦,令肩頸都很緊
做完45分鐘的按摩真的鬆了很多,
看來我已經愛上了按摩了~
(今早還不願起床~我真的睡了很久)

如果大家有興趣揼一揼,可以上ERB的網站登記,首次試做只是$80/hr,
真係平過返大陸 (而家d人仔愈來愈高)
所有的按摩員都有受過專業訓練,仲可以上門服務,
真係足不出戶都可以鬆一鬆
呢個offer只係做到月尾咋,想試就快手d啦~

最後多謝BE同ERB的安排~令我一覺好眠 :)