家住屯門的Kawai, 忽然想靜一下的選擇不多,
其中一個方法就是把自己困進圖書館/自修室中,....
不過....自修室是不能吃東西,不然會俾人鬧就大件事
我還未練成 "厚多士"的發音......

這天午後,一個人去完市中心的圖書館找資料,
一出圖書館門口,就見到隔離的珀麗商場有新的Coffee Shop,
看似都幾寧靜,就入內試一試那裡的咖啡,休息一下

入面都幾大,午後一室溫暖陽光.....
梳化幾舒服,坐到腰都沒了,
只是一如其他Coffee Shop, 桌子都比較矮,不太適合看書呢~

消費是自助形式,排隊點餐,之後再取餐
食物都是沙律,鬆餅,牛角包 及 切餅 等大路食物,售價大概是$30-40吧
比較特別是有意粉 /飯餐 同埋 窩夫

亦有午市及下午茶餐,價錢都不算貴,只是不知質素如何~

有Fair Trade 的咖啡豆出售...... 

因為早已吃過午飯,所以當日只叫了一杯飲品 -- Iced Mocha~
味道嘛,同大型連鎖店的味道差不多,沒什麼特別

相對隔離市中心的Coffee Shop,已經俾d 強國人民搞到熱鬧到似街市....
所以環境清靜已經殺晒,適合看看書,休息一下
店員們好好笑容,除了提供寧靜的環境外,值得一讚的地方 ^_^
後記:
回到家,上openrice 見到好多朋友話唔好食,(我之前無特別睇下先)
因為食飽了無叫食物,所以有幾難食就真係唔知了,等我挑完機再評價吧!
咖啡同連鎖集團水準相約,咖啡味淡左少少......
Coffee Lover 可能要加多一個shot 先掂了


Pink Coffee
屯門屯喜路2號屯門柏麗廣場2樓201號舖  2811 8990




Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。