數甜品的話,Kawai 的三甲之選一定有窩夫的份兒,
不過平時食開的,不外乎都是小圓形的比利時窩夫,味道甜,質感厚身,
食落口真係滿口幸福,呵呵!

前兩日經過禮頓道附近,熱到癲想食凍野降下溫,
一想就是 Waffle Yo, 點知去到.....發現執左,傷心!

不過....俾我發現左同類的新店,就是 Waffills 了~
都有雪糕 + Waffles 的組合,好!就試你啦! 真係好餓好想食窩夫囉!

店子主力應該是外賣吧,堂食的座位不多,大概只可以坐到7 個人, 
門口有立食位,不過.....禮頓道都多車經過,我怕白色Cream會變灰色吧!
窩夫是即叫即做的,大概要等候5-8分鐘


熱到癲,先來一客布魯塞爾鮮雜莓雪糕窩夫($68),
同Menu 張相係一樣 (心心眼), 上面的配料如雪糕,醬汁都可以自選喔!
雪糕是用的是比利時的品牌Glacio, 入口就知是好東西,質感比較實,不易溶....
雪糕三選一:雲呢拿,朱古力 ,焦糖味
醬汁都是三選一: 士多啤梨,朱古力,焦糖
上台時另有雜莓,忌廉及糖霜~

其實我真係好熱,不過見到佢咁吸引又忍唔到手唔影相!
第一口發現窩夫好脆好薄,少甜,感覺似有在食薯片哦!
同平時食開的窩夫不同......
配著雪糕吃又很不錯.... 大滿足!
唯一缺點就是吃到最後,發覺淋了不再脆了,
因為雪糕浸了太久,而窩夫又薄,淋是理所當然吧!
所以嘛!相機不宜吃太久,嘻嘻!

另外見到咸食的Waffles 都好似幾特別,又叫左個試下,
對呀!我一個人食了兩個Waffles, 真好食力!哈哈!
從五個選擇中, 選了 手撕豬肉燒烤醬暖心窩夫($48)
• 墨西哥辣味牛肉暖心窩夫
• 手撕豬肉燒烤醬暖心窩夫
• 印式雞肉暖心窩夫
• 泰式鮮蝦暖心窩夫
• 素食雜菜暖心窩夫

等了大概五分鐘就送到,盒子設計是方便外賣,有透氣孔,撕掉虛線位就可以了!
咸食的窩夫比較厚身,材料都是放在窩夫中間,好像三文治的原理吧!
食落不太脆,主因是餡料不多不少都有點水份,
材料有雜豆,薯仔,豬肉,忌廉芝士,燒烤醬等
老實說,材料味道沒有什麼特別,有時還會有薯仔粒,雜豆在掉下來,有點狼狽的

總括來說,Kawai 是很欣賞創新的事物,
希望店家可以保留有自己的特色之餘,都可以嘗試其他創新的口味,
從來選擇走創新的路都會走得不容易!努力! ^_^


 Waffills
 銅鑼灣禮頓道124號地舖  2613 9600




Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。