因為在附近上堂，落左堂唔想咁快返屋企，
住附近的朋友仔，推介我去博愛Cafe 午膳加上網，話平靚正又有Wifi，
初時我聽到想鬧鬼佢，叫我去醫院嗎？

因為不是正式的餐廳，食物選擇比較少，大路的有蛋糕，即制Waffle 及 飯餐，
加埋十種以內吧，價錢公道，就我今日的蛋包飯套餐，只是 $42而已！

我從四款飯餐選了蛋包飯，蛋是薄薄一片的，沒有流心半熟等花巧，包著雞粒炒飯，
味道比較Plain，勝在不油膩而份量足！

餐飲揀左杯香蕉朱古力奶，朱古力嚟到有畫花，圖案紋理清晰，味道不算太甜膩，
只是温度温温吞吞不夠熱，要扣分喔！

整體來講我滿意的，環境都叫靜，又有wifi，但只限平日四時之前，
因為四點後，餐廳旁的小組室有活動，家長小朋友亂作一團，我會形容為放監！
而嗰班阿太都唔好得幾多，講野大大聲，我其實只想靜靜上下網，
我唔想知佢阿女用咩牌子屎片，但因為太大聲我聽得好清楚！

所以想靜就自己睇住時間啦！