Kawai 幾年前已榮升貓奴才，但因為家中的主子不喜玩，又不喜抱抱，
一日只有兩次認得我，就是肚餓要罐罐時，真係好現實呢！
這天我又同朋友去另一間貓Cafe 打搞貓星人，當然返到屋企都會俾主子鬧有其他貓味！

今日同朋友來了銅鑼灣一間貓貓Cafe --Mr. & Mrs. Cat Cafe
因為呢度有隻好出名的純種貓咪－張志明！

一如其他貓貓Cafe，要入門就要先換上拖鞋及消毒雙手！才可以入內親親貓咪！
Cafe 有高身餐桌，也有塌塌米，如果想同貓貓影相或多點機會親親，
我建議坐地下，因為大部份貓貓都喜歡在地上玩耍，
而女生的長裙大布袋，都會吸引貓貓會主動走過來的！

坐下店員送上餐牌，第一頁是介紹一下店中的主子，貓星人性格各異，但大都是純種貓，
還有就人是與貓星人相處的小技巧，始終不是每人也有實戰相處經驗喔！

餐牌的選擇不是很多，提供4款輕食及4款飲品，另外仲有2人份的甜品併盤

我在找張志明，白雪雪的好似條海蔘訓左o係度！好萌的樣子！
媒炭屎都好靚仔，好乖乖的睡覺！望住佢地真係咩煩惱都無晒！
純種貓普遍較溫馴親人，雖然家貓也同樣可愛，但比較有個性易緊張，
如果初次接觸貓咪，純種貓是比較易入手的～

玫瑰花雕醉貓雞翼 $58
一打開蓋就惹來貓咪的目光，有好幾隻貓咪衝了過來，嚇得我立即把蓋子關起來，
濃濃的花雕酒香加上杞子獨有的香味，的確好醒神，加上美麗的玫瑰花瓣，賣相吸睛！
唯獨是酒香不夠入味，味道甘甘甜甜。

選用比較大隻的雞翼，啖啖肉！好滿足！

另外點了 水果茶($68)
以玻璃瓶子盛着，入面放了不少的鮮果粒，茶香同果香平衡，不會太甜太澀，
也可以用叉子吃香橙、草莓、奇異果粒，雖有冰塊，但飲到最尾都是濃濃的茶味！
水果茶也飲過很多吧，這間真心的做得不錯！

有可愛的貓星人，加上悠揚音樂，就算不玩貓來喝杯水果茶也是身心療癒的活動！
店內設有 Wifi，可以在這看看書，看看貓，悠閒地度過一個下午。

Mr. & Mrs. Cat Cafe
銅鑼灣富明街2-6號寶明大廈1樓L室 5116 1244
（星期一至日: 14:00-23:00，需訂座）






FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare