Kawai 係出左名的澱粉質女孩，每日都要食過澱粉質才安樂呢！
星期六一早約左朋友去城門谷游水，游完水又係時候放飯啦！
咁耐無操水都贏左少少，的確係需要請我食野慶功，一於就去食我喜歡的澱粉質！正！

荃灣其實都幾多特別野食，普遍價錢都唔會好貴，朋友揀左呢間叫Doodie cafe Bar，
日間的話有意粉同熱狗食，而夜晚就會搖身一變為酒吧，除左有手工啤仲會有Bartender Cocktails 賣，如果想飲兩杯就最好夜晚六時後了。
牆上寫著小店的全日餐牌，價錢都算大眾化，另一邊放著多款的手工啤，
酒精度由3%至 20%也有，而且店員也對各款手工啤酒的口感味道都非常清晰，
只要講出大概口味喜好，就可推介到相應的啤酒。

因為我不太飲酒，店員提議我一試St.Louis Peach 口味的 Cider，酒精濃度應該是3%，
飲落其實似汽水，甜甜的桃味甚為清新，易入口的，並沒有太明顯的酒味。

雙重松露熱狗
是這裡的名物，烘得微暖的豬肉腸上加上松露醬，嫩滑炒蛋及黑松露醬，
雖然黑松露比較少，但因為醬汁已混合了不少的松露，所以入口滿滿的松露香，甘香醇郁，
令人難忘，我直覺黎明會喜歡的口感，哈哈！

午市加錢的Poutine芝士牛肉汁薯條，薯條以啤酒浸過，效久了入口依然脆身有少量麥香，
芝士醬甜甜地加埋牛肉都幾惹味。不過想食真。啤酒味最好單吃吧！

香煎牛舌也是這裡的小食，睇吸油紙好似好油膩，但入口就剛剛好不算太油膩，
而且牛味都幾香濃，肉質鬆軟，咬開都仲見到中間是一抹粉紅色的！

店員仲送左幾隻店家自己醃製的唐老鴨舌，係用酒浸嘅，
入口有濃濃的中國酒味（類似花雕酒那種吧），爽口彈牙再加上辣辣地都幾特別！
呢個係Off menu，想食就要問喔！

以為要尖沙咀才有好的Bar & Resturnt，估不到荃灣都找到吧！
一站式滿足酒鬼或非酒鬼的朋友，環境舒服，食物份量多價錢合理，性價比都幾高。
星期五六仲會開到凌晨五點呀！


Doodie Cafe Bar
荃灣富華街9號運通洋樓地下 




FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare