位於大坑的小店The Pudding Nouveau，我已經來過N次，搞到連甲乙丙丁店員都認得我！
但一直都沒有緣份一試朋友口中的極品Tiramisu，就是咁我又約左朋友再來一次。

就是門口招牌的這個用意大利雞蛋造的Tiramisu，害我又再來訪。
多月不見，餐牌除了招牌的油鴨脾窩　，鮮龍蝦牛角酥外，還加推了兩款新菜式，
一個是Razor Clam Linguine，另一款是 Lobster Creme Brulee。

舊餐牌再好吃，也想一試新的口味。
先來的是Razor Clam Linguine，其實上枱個賣相都幾搞笑，意粉上插住個長身貝殼，
真係太藝術了，感覺有點像神主牌，我影食物都叫叻，呢個真係唔知點影先靚。
所以我放棄左了，一來就是我的碟了，意粉煮得好好食軟硬度剛剛好，醬汁不會好笠身，
但足夠沾滿每一條意粉，夏天食都不會好膩！
蟶子煮到剛剛熟，份量都多，口感彈牙又唔會韌。好少白汁我會讚，呢個會令人返轉頭！

這店的龍蝦牛角酥我是十分推介，牛角酥脆卜卜，龍蝦新鮮又啖啖肉，
而今次用龍蝦做cream brûlée ，口感都幾有趣，為燉蛋玩玩新意思，不是只有甜食。
呢個包括了半邊龍蝦，法包及cream brûlée。配搭都幾新奇。

cream brûlée 焦糖金黃剔透，燉蛋比平常的深色一點，端上枱已聞到濃濃的龍蝦香味。
入口帶龍蝦的咸香而口感相比甜的來說不算太嫩滑，有點像吃分子料理吧，
旁邊的半邊龍蝦已切粒，不用太辛苦已可把龍蝦肉取出，將龍蝦肉放上多士一齊食，
好好味，龍蝦依然是好新鮮好彈牙，令人一試傾心。

食到好飽，所以揀左有三小件的Dessert Set，
包括有Souffle, cream brûlée, 同埋我想試的Tiramisu，用一個長碟上枱，
雖然每件都是迷你精緻，加了美美的裝飾，非常吸睛，兩人分享適合不過。

Souffle質感鬆軟，入口即溶，有淡淡的雲呢拿香味，而且蛋味明顯，是佳作。

被朋友讚到天上有地下無的Tiramisu，入口即溶咖啡味是慢慢滲出來的，
不是街外吃的明刀明槍嗆候，而且芝士打得夠細膩軟滑，實在幾得我歡心，
而粉紅色的威化花只是裝飾的用途，是沒有味道的！

我仲叫左芒果奶凍，用高身的香檳杯裝著，可從玻璃杯透視三層：奶凍，雪糕及鮮芒果。
芒果雪糕口感清新自然，似是自家做的不過就偏向快溶，而奶凍有明顯的雲呢拿味，
質感滑溜，再加左清甜的鮮芒果肉，好消暑。
而雪糕上嘅七彩蝴蝶是用威化紙做的，靚靚之餘仲可以食，不過是沒有味道的，哈！

Strawberry smoothies 每口都有濃郁士多啤梨味，酸酸甜甜天然不造作，
夏天飲好舒服，不過可能天氣太熱，上枱不久就溶化了，有點狼狽。

喜歡小店餐牌夠精要簡潔，專心做好幾件出品，永遠比要做多而不精的好。
小店七時多就開始多人，可能要等位，所以我平時也是早點來吃Early dinner，避開人流喔！

The Pudding Nouveau
大坑京街17A地下  3585 7325



FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare