｡Oﾟ☆｡飲杯台茶食個軟歐包。微酵烘焙 Share le Pain☆｡Oﾟ
下午1:30
一早知道香港人熱愛手搖飲品，就算天氣轉冷依然一間接一間的開張！這天來到元朗廣場的微酵烘焙 Share le Pain，原來它是屬於Sharetea旗下，除左飲品外仲有得食軟歐包。
經過一輪傳媒的洗禮， 我平日七點多去到已經好多款賣光光，不過好彩都試到兩款招牌包包。
一入門口就見到呢張Poster，店長說這個是用台灣斯里蘭卡紅茶配日本明治牛奶調配，
珍珠是比較少見的白玉珍珠，再加埋法式忌廉，好Grand咁！
珍珠鮮奶可以根據自己口味更改甜度，我揀左半糖，拎上手杯底熱而上層的冰凍的，顏色有明顯漸變分層：法式忌廉，紅茶及白玉鮮奶，由於不是密封式的，只能用飲管搖勻。
奶茶用日本明治4.3特濃牛奶，奶味濃郁，相反茶味就不算太重，有點浪費了上好的紅茶葉之感，黑糖珍珠唔算好彈牙，少少煙煙韌韌，如果彈牙少少就好了～
羞羞の胖 （粉紅）
呢個係架上最後一個髒髒包，粉紅色的外皮是草莓朱古力，薄薄的一層朱古力竟然是脆皮的，加埋草莓乾同忌廉芝士，酸酸地幾開胃！因為我係第二日食，舖滿士多啤梨粉的又無想像中咁髒。
麵包入口軟熟，麥香十足，氣孔分明，可能因為個包好大，顯得忌廉芝士有點少。
爆漿珍奶軟歐 ($15)
自然發酵麵糰加入原葉即磨頂級台茶18號紅玉茶粉整的吉士醬及黑糖白珍珠。
採用自然發酵的包身濕潤，口感軟熟帶點煙韌，內餡的吉士非常充足，夠香滑不過就唔夠茶香，黑糖白玉珍珠份量唔多，所以沒有想像中的爆珍珠畫面，而且同飲品一樣都係比較淋身，好彩就有濃濃的黑糖香，整體不死甜我都幾有好感，就是一杯固體版的珍珠奶茶。
微酵烘焙 Share le Pain
銅鑼灣告士打道280號世貿中心2樓207-208舖
元朗青山公路元朗段249-251號元朗廣場2樓235-236舖
旺角太子道西193號MOKO新世紀廣場MTR層M47及M48號舖
For Collaboration and Invitation,
Please send to : littlecatt@gmail.com
0 意見