記得以前o係台北讀書，每次去淡水遊玩都會買一大件古早味蛋糕返宿舍與同學一齊分享。
最近香港都有古早味蛋糕店賣了，還開到成行成市。

從來名產都係當地食特別好味，但最近都返唔到去，忽然好想食又遇著家人生日，所以買左一個返屋企一齊食～因為家人喜歡朱古力，所以不用考慮就揀左60%比利時朱古力口味，好聚手好大件，面層舖滿粒粒朱古力釘～～

中間有流心朱古力層，好吸引呀～～～

好多年前，曾經o係科學園返過partime，當時真係無啖好食交通又麻煩！
上年因為朋友生日入來食私房菜，發覺改變好大，多左好多公共綠色空間，餐廳已經唔係得food court，中式西式日式都有，交通都又方便左（以前只係得一條巴士線入來）！
所以上星期同老公入來行下食下野。

我地係沙田橋底坐專線小巴入去的，星期日班次都算密，第一件事就係搵餐廳醫肚，
最後揀左睇到草地的HUNKY DORY!

剛剛睡醒，都是選擇比較穩陣的，我揀左新英格蘭龍蝦包，一上枱覺得都幾夠份量
龍蝦包隔離有沙律同埋炸薯角，炸得不油不膩，正～

龍蝦肉好大舊，好彈牙，大概都有５件，只係覺得醬汁比較重手，浸到包有Ｄ冧左。