記得細細過時,每逢星期日都會去飲早茶,
大個女之後, 一年只會起到兩次身,分別是父親節及母親節吧~
其他的星期日,我都是訓到早晨全餐都轉了餐牌才醒來!

前幾天,食友們提出放工後去九龍城,飲夜茶食點心,我當然第一個舉手喔!
一坐低,朋友已經點了其中一些招牌點心

譚點海皇大湯包 ($48/件)
上台已覺得份量十足,湯包皮比小籠包較厚身,要放湯沒辦法再薄了,
隨湯派來一支已修剪過的飲管,可以像喝椰青水般刺一個小口用飲管享用,
同台朋友入口覺得好熱,但我覺得ok不太熱,仲覺得幾好玩,
湯料有瑤柱,蝦肉,蟹肉,味道非常鮮甜,只嫌包皮厚左少少.....