ﾟ・ღ 延續中菜風。中式糖水分子料理 (｡◕‿◕｡) LAB Made Cafe ღ・ﾟ
下午1:30
是晚兩位女生吃罷中式小菜，因甜品選擇不合胃而決定轉場！
忽然記得袋中有兩張分子雪糕卷，就決定稍移玉步行過隔離街換左佢！
今期的四款口味！有我喜歡的腐竹雞蛋糖水味！
分子雪糕係即叫即做，我是用禮券的，所以收費是waive 了！
單上印有編號，看著螢光幕的號碼領取雪糕就可以！
等左五至十分鐘左右就到我拎～
不過發生左一件小事，在等食的時候，
我見到之前嗰個客最上面嗰層sauce 係用吱吱樽吱上去嘅，
而到整我嗰杯時，女店員剛剛由大樽轉細樽，去到最底又好難轉入細樽，
我睇住佢想淋落去，立即叫住唔好淋呀，淋落去好醜樣㗎！
不過佢唔理照倒落去，個成品立即似baby food !
本身分子雪糕已經係半溶化仲要一野淋落去，仲要叫住都仲唔停！
嬲到我啤行呀！杯雪糕我㗎！
之後女店員話，你用啲Filter,美圖秀秀執左先放上網咪一樣！
本來都無咁火的，執唔執相使你教！
我而家覺得好核突連食都唔想食，咪應該多謝你隻神手呢！
男店員應該聞到火藥味，話整過杯俾我！咁就算啦，等多五分鐘囉！
講返杯雪糕，我揀左腐竹雞蛋糖水味，延續小廚中菜風，
呢個味道我食過好幾次，每次食都會覺得好驚為天人，像第一次吃一樣興奮！
豆腐味雖濃郁，但整體好清新！今晚食仲襯托到我啲怒火！
因為我都有post instagram, 即晚好快已經有餐廳負責人inbox 返我，
問我發生了什麼事，customers care 做得幾好是真的！
呢個笑臉係俾杯雪糕同CS，因為真係好食同感受到佢地嘅誠意，
但唔包那位教我執相的女店員，我下次亦唔會再去呢間舖，反正間間餐牌一樣！Sorry！
Lab Made 分子雪糕專門店 Lab Made Cafe
For Collaboration and Invitation,
Lab Made 分子雪糕專門店 Lab Made Cafe
銅鑼灣登龍街1-29號金朝陽中心2期 Midtown 地下B號舖
For Collaboration and Invitation,
Please send to : littlecatt@gmail.com
0 意見