而家去飲話八時開席，但唔知搞咩九點都未見乳豬，本人唔打牌，加上又唔想太早到悶乾哽龍蝦伊麵，所以去寧願早少少食野打左底！

最後揀左Espuma,因為我想食Churros 同埋飲水果茶，一嚟到就見到萬聖節的裝飾，咁我就期待會有special menu啦！點知侍應話係會有，不過未推出，出左嗰啲係blogger 試食嚟！哦！

咁我地唯有叫返正常Menu 囉！

我叫左水果茶味道一如以往，沒有大驚喜也沒有失望，清甜又夠凍，正！

Mr.K 叫左熱草莓果茶，竟然味道唔錯，唔太甜之餘仲有明顯的草莓香，莓味像真度挺高！

叫左個牛油果班尼蛋 $98

因為都幾早下，我地係食lunch + Tea , 呢個早餐感都幾強烈，出現的食材都係早餐常見：煙肉，波蛋，沙律，麵包....

本人喜歡牛油果，所以都覺得幾合口味！不過睇真價錢後，就會覺得係食緊貴價早餐囉！

烘過的麵包鬆軟少少脆，波蛋切開流心度高，而且醬汁也合格，沒有太大技巧的話，只顯得定價略高

Mr.K 點的特式粟米薄脆，也是流於以上的問題，乳酪醬汁酸酸甜甜，不過就不是我杯茶（我個人不愛乳酪，所以我只點了牛油果蓉而已）粟米薄脆上面會有芝士碎辣椒碎，吃時會感覺到微辣，都幾過癮的，不過吃到最後，芝士碎涼了就變了一大塊，建議大班朋友share,或者要趁快吃才可以！

星期六的窩夫是抹茶紅豆窩夫，坦白講失望，蛋香欠奉而且麻糬下得太多了，外層呈白色少脆內層好韌，以前明明不是這個味道及質感的，唉！好想哭！

最後，當然要點我的至愛Churros, 好彩好食唔係我真係會喊！
鬼佬油炸鬼外層酥脆，上面灑上適量的玉桂糖，豐富味道層次感！

整體來說，食物OK但略貴啦！
不過，當日我覺得服務好左好多，第一可能我地唔係繁忙時間，所以無咁Chur 要還枱，
另外我唔小心邊食邊講電話，隻手Hi 到脆片個醬，細心侍應好快就俾濕紙巾我抹手，
而我完全無出過聲，走嗰時又有講Byebye，所以我覺得就服務呢點來評分係有明顯好左！


ESPUMA
尖沙咀厚福街8號H8 2樓

For Collaboration and Invitation,

Please send to : littlecatt@gmail.com

FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare