早前見到朋友 o係Facebook Share 左 Yammy Sharing 的卡通饅頭作品，好打意！所以復活節假期，我都參加左佢地o既全身雞仔熊大造型饅頭班(價值$480)。
後來先知道 Cook 1 Cook 除左有食譜睇之外，佢背後都有社會理念：
將婦女們豐富的烹飪知識透過我們的平台連繫起來，持續分享食譜可換取奬賞，可以是現金收入或以個人名義捐款給慈善機構，運用美食力量改善婦女的生活質素，令社區關係帶來更好的改變。
以前都有參加過麵包班，最浪費時間係搓麵粉，而卡通饅頭會用到廚師機，不用人手慢慢搓，亦因為未必人人家中也會有一台廚師機，所以導師都會講解下在家如何做，搓到什麼情況可以去下一個步驟。
