~✿ 春去夏來花的季節 ♥ 樂糖 Joyful House ✿~
下午1:30
為左撐朋友喺天晉匯擺復活手作市集，住老遠的我都來支持支持。市集一檔接一檔的圍繞著商場外圍，邊行邊可以看到有什麼餐廳 （所有餐廳都有兩個入口）。玩飽行飽又係時間去開餐，揀左間以白色為主調，天花佈置左好多不同顏色的氣球，色彩繽紛，整體感覺幾乾淨嘅甜品店－－樂糖 落腳。
一上桌已經聞到陣陣薰衣草的氣味，好舒服的香味，厚切淺黃色的海棉蛋糕夾雜著粒粒薰衣草，配上薰衣草味忌廉，間中會食到海藻珠，口感爽口都幾有趣。另外配上同為紫色系的濃郁香芋味雪糕。仲會有一杯花茶跟上，成個感覺好圓滿。
卷蛋滿佈氣孔，質感鬆軟濕潤，蛋香尚算濃郁，配合淡淡的薰衣草花香令人一試難忘，卻沒有半點突兀。
忌廉打得企身幼滑，花香濃郁帶淡淡的奶香，不會過份膩口！
可以揀熱食（原味酒釀配丸子）或凍食（配雪糕），我揀左凍食配柚子雪糕，雪糕上面有柚子蜜，酸酸甜甜又可增加口感，清雅的日式酒瓶內放的是店家自製的甘酒，酒味不濃因為甘酒其實沒有酒精成分，只是用白米天然發酵而成。甘酒入面仲有不少發酵左的白米，玩味大於味道呢。
樂糖 Joyful House
將軍澳唐俊街12號天晉匯地下06號
Please send to : littlecatt@gmail.com
0 意見