♥ 南丫島的新年大餐 ❆12道raw味 ❆Rawsover窩素居 ♥ (附船期表)
下午1:30
上星期六同Mr.K 入左南丫島榕樹灣走走，兼找同是斷食營舊生的Peggy，
順便去佢小店試下新年大餐12道Raw味，Raw Food其實是指未經高溫烹調的食物，
因為奉行Raw Food Diet的人認為，超過42度的烹調方法會破壞食物營養及酵素。
農歷新年食糕食到滯晒，見到糕都唔想再食，Eat Clean就剛剛好啦。
由於並不是第一次來 Rawsover窩素居，我地對佢o既出品都有信心，早餐都無食就入黎啦！
店主Peggy係LINE狂迷，小小餐廳放了佢收集的心頭愛，我地次次來都同佢地打卡（笑）
一黎到先送上用甜菊葉及小茴香做的 welcome drink，味道甜中帶甘，
甜菊葉是天然代糖，小茴香是解膩的作用，新年食到滯晒最適合啦～～～
原粒合桃口感脆身，甜甜的令人一口接一口的吃下去。
尊貴生素翅 大餐以中式為題，中國人過年少不了魚翅，雖然最近已經好多人唔食魚翅，
魚翅是用類似海燕窩的食材扮的，整體幾特別。
豆苗沙律以用中式醋做調味酸酸甜甜，菜夠新鮮再加上風乾的無花果，好清新的前菜。
慢煮奶油津白 食的時候我都好懷疑係未有奶（笑），個感覺堅係好Creamy，之後Peggy話呢個係無奶油津白，舖面的奶油是用生腰果打碎加素雞粉做的，娃娃菜用風乾機風乾後，口感更爽脆，幾可亂真度極高！
煙薰豆腐 呢個係窩素居其中一個名物，我地上次因為太飽無食到，你以為係食緊豆腐的同時，實情是無用任何黃豆，主要材料是腰果同椰子油，味道口感似少少似芝士Mossues，再加入煙薰粉，真係好有煙燻效果。上層是主打養顏的桃膠，下層自家風乾火龍果有脆脆的口感，一齊食口感幾出色，果然是必試的名物。
生素瑤柱賽螃蟹蛋白是打碎了的椰子肉，而素瑤柱是金菇菜根部，
未加醋之前就係好清新的椰子味，加了醋就好似賽螃蟹。
袐製麻醬元貝拌麵 食生是不會有麵食的，元貝是雞批菇黎，
麵條由青瓜，紅蘿蔔，翠玉瓜等刨成絲，加上特制麻醬 及 香蕉紫菜脆脆，爽口中有少少脆。
姬松茸荷葉飯 呢個我覺得同煙燻豆腐，奶油津白一樣，還原相似度極高！
初時以為米飯都是一般椰菜花飯，原來是用來自尼泊爾的岩米，處理方法如Chia Seed，浸水一小時左右就會發大兼煙韌如Risotto口感，原味似白飯。呢個荷葉飯加了菜乾冬菇一齊風乾，好好食！
最後係三款甜品，包括了鮮人參慕絲旦糕，生素版金莎 及 賀年年糕
鮮人參慕絲旦糕用左新鮮人參，人參味道都幾突出，慕絲旦糕質感細滑好出色
生素版金莎 先要催芽風乾兩種果仁，脆脆杏仁入面是榛子軟心。
賀年年糕 食之前用風乾機輕輕風乾，有煎過的脆面口感，入面加左薑，辣辣地幾好食。
Raw Diet 平時都係偏西式，來來去去都是沙律菜，比較少以中式主題，呢個好值得一試，
另外，好多人擔心食Raw唔飽，一次過食12道菜係飽到夜晚都無食飯，有興趣的朋友不妨留意下佢地fb，間中都會有主題的菜單
Rawsover窩素居
南丫島榕樹灣大園村18E號地下A舖 店
是由Peggy一人負責，食材要準備，可以的話提早預約呀 (whatsapp: 61361066)
(賀年版12道Raw味 1人$488,2人同行$800)
懶人包南丫島榕樹灣船期表
食完可以行去另一邊索罟灣，大概要一個小時左右，不過我地就無行啦，太飽了～～～
For Collaboration and Invitation,
Please send to : littlecatt@gmail.com
0 意見