本來第(五)篇是會分享一下,我在第一任醫生身上學到的事
但因為最近太忙,所以先留下第(五)篇,稍後會補回的哦~(有拖沒欠呢)

5月10日,原來我已經停藥一個月了~
今日想分享一下情緒病睇中醫的經歷

原因是在幾天前,有病友對我說在看中醫,
這話題令我想起自己曾經在08年(左右)都有類似經歷

決定食中藥,是因為認識了一個很好的中醫
他是我朋友的師傅 (朋友當時在唸中醫)
其實我係唔鐘意食中藥的,因為中藥又慢又苦
對佢有信心是因為之前飲過他的藥方,
神奇地...明明我咳到嘔血咁滯都好返晒
(o個晚冇再咳~我之前仲睇左四次西醫囉)

我是中西藥一齊食的,但中間相隔了幾粒鐘
(中醫說要隔兩小時,我媽就要隔夠三小時)
當時我是吃完晚飯先食中藥,到臨瞓前再食獅子王的藥

吃了半年多,印象最深是吃了很久Seroxat CR 12.5mg,
已經俾我減下減下,減到每天吃1/4粒~  (註:獅子王知道我減的)
但仲有一大堆瞓覺藥未甩到

點知.....返去見獅子王時,佢cut晒我所有藥(連瞓覺藥都cut埋)
佢話"1/4粒同唔食冇分別,不如唔好食啦"
一唔食....瞓唔到...頭痛頭暈一齊出現,三日後,我又要再食返藥
仲要係由頭食返......
(我一瞓唔到就會痴線....如果加埋頭痛痴得仲厲害...因為我發病第一個病徵就是他們)
自從再食返藥之後,我就沒有心機再吃中藥了~
(結束了短短九個月的中藥療程)
之前配的冲劇仲o係屋企,阿媽有叫我飲返,唔好放o係度封麈
但我真係想不到原因再食返,老實說,單靠佢又唔可以戒到藥

而家我睇返,其實我當時有好多問題係"未曾解決"的,
如果真的俾我"-6地"戒晒藥,我估之後問題再出現時,我都會再次病發

(對於停左三次藥都唔得)我個人認為,
如果令你有情緒出現問題的元兇已經K.O.左,只係停/戒唔到藥,
你可以去找中醫,基本上他們都有經驗處理

但係如果你情緒又唔好,又瞓唔到,9,000幾個問題未K.O.的,
我都係勸你唔好對中醫咁大期望,因為未解決的問題随時都會出現俾個"surprise"
都係搵左專業人士幫手先啦~
如果大家對我文中所說的中醫有興趣,可PM我
因為他而家已經退下火線 (只是間中去教書/做義診),
他沒有在任何診所掛牌,只是在家中看診,所以不便留他的Contact哦
當時我配一個月沖劑約$450 (而家幾$就唔知)


 
Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。

有留意美容資訊的,相信都知道蘋果幹細胞,正是近期美容界的大熱,
最近亦試用了本港的品牌Joseristine 蘋果幹細胞活膚面霜(Apple Stem Cells Anti-aging Moisturizer Cream)
Joseristine 是彩豐行旗下的其中一個品牌,我是他的洗面奶長期用家哦~

要來一個資料更新吧?!

蘋果幹細胞是近期美容界的大熱，瑞士化學家發現瑞士阿爾卑斯山有一種極罕有的蘋果樹，名為Uttwiler
Spatlauber，雖然其貌不揚，但卻含有具明顯抗衰老功效的蘋果幹細胞。

蘋果幹細胞活膚面霜採用天然原料蘋果幹細胞，配合可可巴油及透明質酸，即時保濕滋潤皮膚，具抗氧化功能，延緩皮膚衰老，大大增生肌膚細胞70%，同時修復
受損細胞，減淡皺紋及幼紋，改善膚質，使肌膚回復年輕光澤富彈性。此外，有效對抗UV紫外線的傷害，抑制黑色素形成，減退暗啞皮膚，持久亮白。

簡單一瓶就可以做到多個功效,真的很吸引吧,就看看它是不是名符其實吧

其實早於上個月尾已經開始使用,Stem Cell 的產品我之前都有用過,
但因為太刺激,不消幾天就生得滿面粒粒呢

產品用綠色的鐵盒子放好,比平時的出品更加嚴謹(愛用彩豐行的都是愛它的平實,沒有太多的包裝)

至於產品用法都同平時的不一樣,今次改用了泵裝,一泵就夠全面用,夠衛生

看一看它的質地,Cream狀的都算易推,伸延性高,用在手上後都見到一層薄膜

再看一看用在臉上的效果吧~毛孔好像都細小了~

用了短短的十天,最大的改變是皮膚的淨白度是有明顯的增加的,
彈性亦有增加,以一個不算貴的價位來說($158/50ml)效果真的不錯
但我會建議怕Lup的朋友,在秋冬用感覺會比較好,
而我自己因為怕lup,所以只敢用半泵,晚上開大冷氣瞓就會用多少少,第二朝都唔乾

補充資料:

成份:蘋果幹細胞、可可巴油、透明質酸、甘油


看過我的推介,大家可有興趣試一試香港的品牌嗎?

上星期三返左醫生大人度覆診,繼續我未做完的催眠治療
唉!日光日白都喊,咩世界呀~真係好想知自己搞緊咩囉~
輔導,CP,醫生都整唔喊我,竟然催眠喊囉~

我.....連平時寫野本簿都冇帶到
次次簿一過他的手,就會睇好耐,時間係咁過,
(其實我都唔知佢睇緊o個時,我應該做d咩好~)
打機嗎?還是用電話上facebook好呢?
但看到他很認真看的樣子,又會就我寫的東西問我意見時
我真的不好意思說"嘻~我在FB中!"
所以基本上,我未見到他,已早早把電話都關上了

一個月前,我已經同醫生大人提過"我已經自己停晒全部藥"
本來以為好難捱的,點知比我想像中容易,頭痛是有的,但只是在頭一兩天出現
之後只剩下"失驚無神"頭暈暈暈~
唉!講起時仲要俾人話因為我少運動囉~激氣呀~

月中時,因為強烈頭暈,都有同醫生大人電話聯絡過
感激佢掉低睇緊o既病人,都先同我講完電話先
o係我心情好混亂的情況下,你的話令我"定"了下來,
(不過下次唔好講國語~)
我真係暈到諗住~~"算吧啦!你都係食返藥啦"

今次催眠令我想起的是近半年發生的種種事情,
原來全部我都解釋唔到的,唯一的形容詞是"痴膠左線"
連輔導都係咁講(當然他不是用"痴膠左線",是我自己粗魯)

至於關於停藥嘛!!
因為呢個決定是自把自為,我停左成個星期先出聲~
o係我唔太清楚他的觀點之前,我真的唔敢再講,費事俾他的怪反應嚇暈了
(我估唔會鬧得好勁,因為佢之前說過如果我冇咩事,10月應該可以停晒藥,而家只是提早了)
(##之前獅子王講過如果我唔事先通知佢,發生咩事佢唔會理,要我先食其果##)

由上次事件至今次催眠遇到的就是,當我看不到他的表情時,我就感覺很不安全啦~
(不安感在於我是在發表怪論,看到他的表情就知應該如何繼續,看不到就唔知點講~)

今次的分享到此,很多事在忙哦~我又要準備下次的功課了 XD
(下次會是6月中覆診哦!到時再同大家分享吧~ )

星期五的晚上,我同貓去了位於觀塘的Jam en joy來一次Art Jamming
在三小時內,拋開了工作/生活的煩憂,完全地發揮自己的創意,真的是不錯的活動吧~

今次選擇Jam en joy 是因為之前參加了團購,以一個很吸引的價錢入手了
我妹亦因為團購的關係,早於一個月前已到過,評語是地方很細,她不太喜歡
但我相信的是大家的觀點都不同,要親身試過才可以下定論哦!

當晚7時多,我已經到了Jam en joy, 他是泓富廣場,即是東廣場對面的大廈,
(不是工廠大廈啦,就算夜晚10時多走都依然燈火通明,一定不會撞鬼! )

因為我的Reference圖在貓小姐那裡,我就先行拍照,再等她出現
地方其實都不是太細,感覺都幾Cozy,但感覺畫架就set得幾密,
可能因為不想客人失望吧~
(我記得我book時,本來他說Full House了,但想了一會又說應該可以加位的~)

有大量的Reference圖書,就算沒準備的,都可以找到Reference~

它都是用Acrylic塑膠彩,好處是容易乾,就算是新手都可以Handle到,
所有野都放得好整齊,d畫筆又唔會開晒叉.唔想畫畫的可以畫樽呢~~

雖然說是Artjam,是自由發揮的時間,但有的參加者可能是十年沒有拎起畫筆的,
開始時真的會手忙腳亂,唔知點算好,應該是完成了底色,還是.....
Jam en joy 的 Staff真的會走埋黎俾意見,如何會更加好,完全係有交流的
眼見其他經過指導的完成品,真的呃到下人,個感覺完全唔同晒~~

單是這一點.就比上次那間Jameration好很多,
o個間Jameration真係完全唔理你,完全是"無人駕駛"囉

三小時很快又過去了~又係時候放上我的畫,
哈!都是一貫的2D,沒救了~
(至於貓的作品還未完成,要再加時補課呢 ~ 加時$50/兩小時)

如果有興趣,可以到它的專頁Jam en joy看看呢~
最後亦送給我們四張價值$50的Cash Coupons,
有興趣試試的可留言給我,我會再聯絡如何寄給你哦!!!

Jam en joy
觀塘成業街6號泓富廣場1206B室(東廣場對面) 3152-3290

正當男男女女,有理冇理地在討論香港首部3D三級片時
仲唔知為乜咁整埋"女士專場",我卻沒有太大興趣入場,
反而在28/4的Blog友聚會後,去了APA看彭秀慧的獨腳戲"29+1 7次方"
在29+1旁的小小的7字,代表這個劇已經重演了第7次了,
2005年在藝穗會初演,到搬到演藝學園的歌劇院,每次加場又加場
因為它感動的就是一眾有血有汗的女生,不論是剛剛29+1的,還是已過了30很久的~
多謝朋友仔訂"飛",靠我的話一定死得~ XDDDD

我由5次方已經開始看,看完後喜歡死了
它說的就是70後的事,叱咤新一代,信和中心,Beyond,64.....
還有中女的3大法寶: 保險單,太陽眼鏡,圍巾

每次看這個劇都很感動,不論是5次方的,6次方,還是今次的7次方
今次用上了全新的佈景錄像,看到的不是單純的重演,是會加插新的元素
劇終時還有"日落巴黎"的鐵塔在台上出現~  真的"嘩"了一聲~
(因為入場時太趕,沒有好好的看場刊,劇完了再看,才發現早於場刊已提到~sigh)

我愛黃天樂的樂天,更加愛林若君的認真
錯過了7次方的不緊要,它會有8次方,9次方......
誠意推薦俾各位....

哈!演出完在門外拍的照片哦~

P.S.憑7次方的票尾還可以到SK2的專櫃換取神仙水10天試用裝呢
     
但票尾將會被沒收,如秀慧所說,想Keep票尾的,睇多一場啦~hahaha