Boxing Day 中伏了!
忽然來的約會,本來打算吃隔離的韓國菜,誰知去到時好多人等,
結果神智不清下,選了隔離呢間野,
其實我是食過舊舖的,覺得都ok先會入去,
但原來搬左舖,大時大節都冷清清無人幫襯唔係無原因...

當日七點幾入座,全舖只有3至4成滿,我們二人就坐在六人長台,
因為無客,所以我把手袋放在旁邊的空位,
20分鐘後,侍應叫我拎開個袋,點知係兩個客,根本用唔著我放袋個位,
所以我把袋放返原位,半小時之後,又要我拎起個袋,話有客,但係三個客囉!
又係根本我拎唔拎起都無問題喎!


呢個世界,只要你出品ok,食客通常都任你班侍應舞,
但你D出品~~我只可以話係"劣食"越南菜,好啦!上菜!

綠豆椰汁冰 (左)
飲落係無味的綠豆蓉+椰汁+冰, 完全無味!!
紅豆椰汁冰 (右)
朋友飲,唔知咩味道

牛肉粉卷
牛肉 un 到咬唔開,咬左一件唔想再見到

扎肉撈檬 
全部材料都係現成,好唔好味大概係靠個酸汁,個汁都 ok o既,
但上台時,d粉飛起晒,樣衰過我平時的頹飯

牛柳粒紅飯 
牛柳都係un 到咬唔開,我從來未見過紅飯係啡色,改名牛柳粒炒飯吧!


好啦!更精采的畫面要出現了!
話說,我朋友不小心倒瀉了食剩撈檬的汁,侍應望到竟然走開
我o係手袋找紙巾,算我找了30秒,吸了一半,都無人理,
之後我再拎相機影埋相都仲係無人幫手~
有圖有真相!!!!


不論係你自家職員倒瀉,還是客人不小心導致,
你都要盡快抹乾淨,而唔係走左去抹隔離張台!

咁o既畫面,我以為只會在茶餐廳出現,
是晚我們二人均消費是$9X,好難唔躁吧!

屯門小巴黎,我地都係唔夾 ga la!以後唔會再見!! 唔使錢餓死都唔會翻兜!

小巴黎越南餐廳
屯門屯利街1號華都商場地下58店舖 2604 8336