當日，餐廳仲安排左我地坐VIP房，望到樓下Buffet，感覺開揚。
但最吸引我的是。。。。熊貓牛油！超可愛的！

西洋菜青豆湯 配水牛芝士
正當我懷疑為什麼西洋菜煮的湯會這樣翠綠的時候，餐廳經理已急不及待解釋迷團，原來大廚把西洋菜最嫩綠的部分先留起打碎，再放在已煮好的湯上面，所以唔會好似阿媽煮o個d 咁黃～旁邊仲有兩件炸水牛芝士伴食（會拉到絲的！）

紅菜頭醃三文魚配蜜糖芥末醬
Kawai不是首次吃紅菜頭醃製的三文魚，記得第一次吃的時候覺得超好吃，
紅菜頭獨有清甜的味道，把魚腥都遮蓋了，加上有不少的沙律菜伴著吃，
一道很適合春天這個又潮濕沒胃口的季節。


香煎海蝦沙律
隻蝦好好好大隻，已去了一半殼，方便分著吃，海蝦肉質彈牙，而且是即煎的，怪不得一上桌會咁香，食時仲有少少熱的。加左好多時令的水果粒，如火龍果芒果木瓜，我最喜歡佢無落到好多醬汁，清清地整個感覺好ReFresh！

車打芝士焗蟹肉
金黃色車打芝士下有大量的蟹肉，味道鮮甜加上芝士獨有的奶咸香，不會過於膩。

吞拿魚春卷
薄薄外皮包著半熟的吞拿魚，紫蘇葉及牛油果。值得一讚是火候控制得宜，吞拿魚仍保留著外熟內生的狀態，一次過吃著兩款口感，加入少見的紫蘇葉及牛油果，味道更易入口。


終於到自家製全蛋意粉啦～～～我等左好耐呢！
可以o係四款醬汁三款麵條中揀自己喜歡的，價錢由148起，
我就揀左 Linguine 因為貪可以吸多d汁，醬汁就揀左藍芝士汁，同埋加左半隻龍蝦！
上桌時已經聞到好香芝士味，麵條蛋味十足，唔會太淋充滿煙un的口感，雖然用左濃味的藍芝士作醬汁，但又唔會好膩，食落少量咸香！
平時食過似樣的意粉都要近100蚊，呢個價錢真的好抵食～Yo！

朋友要食肉，所以主菜點了 一客加拿大T骨扒
牛扒煎得生熟度剛好，切下依然留有肉汁，肉味濃厚，吃著有點點焦香感，不錯不錯！

我自己就被這個小小的薯菜築成的小圍欄所吸引著！切得好靚好精緻，講左好多句唔捨得食，但最後都係我食左！～～

焦糖聖多諾克
Saint Honoré 是著名的經典法式甜點，平常見到的份量都頗重量。這裡供應的是mini版本，作為二人飯後一點甜最為適合。細心看小小的一件也有齊傳統應有之元素，如有泡芙、焦糖（caramel）、千層派皮等，喜歡佢不會太甜膩，又可以滿足到嚐甜的心理。

白雲浮島
超有聖誕感覺的一道甜品，白如雪的是蛋白霜，質感輕綿而不甜膩，下層是香濃栗子蛋布丁，加上閃閃的金箔作裝飾，造型味道也非常雅致。

青檸雪糕批配香草芒果
用了一系列酸酸甜甜的水果為主題，食後感當然是超Refreshing～
喜歡佢類似雪糕的滑溜口感，不過就唔會溶化，可以慢慢嘆～有時覺得荃灣返工都幾好呀！

歐陸餐廳 Balcony
荃灣荃華街3號悅來酒店3樓




For Collaboration and Invitation,