上星期有朋友生日,咁就約左去慶祝,話想食好少少,最後決定去食日式燒肉,
嗯!其實我就未正正式式食過日式燒肉,見價錢都不算太貴又近我,去試試啦!

一入到去朋友已經有一半朋友到左,先叫左前菜,邊食邊等!
叫了芥辣八爪魚粒,不過我係唔食芥辣,所以連夾都費事
冰頭漬 $38 -- 原來係三文魚頭入面的軟骨位置,每條魚都係得少少咋!
咁試一口,口感挺身脆脆地,片得薄身差不多半透明,調味方面係用左醋,酸酸地,幾開胃

溫室蕃茄沙律($52) –我是蕃茄怪,溫室種植的蕃茄比平時的更Juicy,
只是簡單的伴粟米,什菜已經好好吃~

送來三個醬汁 --
最深色的是柚子汁, 調味酸中帶甜,比較適合脂肪多的肉類,酸味有減膩的作用,自家制的
中間是自家制的燒肉汁,適合的所有肉類使用,味道比較香
右邊的是芝麻醬,可以自由配搭不同的食材!!!

不過計我話,唔加都不錯,食材咁新鮮,無謂用醬汁掩過啦,right? 

先來的是豬頸肉,脂肪層一層一層的,燒的時候,不時聽到油脂遇熱的"拍拍聲"
食味比較普通,因為燒豬頸肉本來就不是新鮮事~
師傅教我地要將其中一面燒熟, 見到有少許血水就是最適當的時候反轉,
這樣做,肉汁可以封存得更好,不會Over Cooked!

所以日式燒肉係要逐樣燒,同韓式一鑊熟有少少分別!


美國PRIME小牛排 ($118)
油花分佈分明,燒時牛味好突出,燒至6成熟就剛剛好,
吃了一口,牛味除了聞到,更加是吃得出來,6成熟不會un,正呀!

日本A4和牛肉眼($270)
我以為我會愛上 美國 Prime 肉小排,因為肉味實在太香濃了,
朋友說來吃日式燒肉,好歹也要叫和牛吧,好啦!好貴都叫了一客(覺得肉痛)
上台見到脂肪比例比較多,紅色的生肉也吸引眼球,
為免我地糟蹋了靚牛肉,店員都來指導我們燒肉,
方法同上面的大同小異,由於脂肪多更易"痴底",所以要耐心慢慢燒
味道及口感真的好大分別,
Prime 的牛小排同和牛都牛味香濃,但這個更加突出,而且有入口即溶的感覺,一試難忘,
唉!食咁多好野,我都唔知遲d食唔食到頹飯....哈哈哈!

見到餐牌有燒活鰻,我又想試下!!!我問左職員,佢話真係可以自己燒到,不過要有技巧,
所以我地都係請職員幫手,看見職員慢慢燒,不停反,大概五分鐘就見到燒至外皮金黃色,
最後搽上鰻魚汁就可以品嚐了!
試了一口,外皮脆卜卜,入面沒有OverCooked, 
自家燒的鰻魚,沒有外面燒好的,有一層厚厚的醬汁,
店方只加了適量的醬油,可以食到原味,比較清淡的喔!

又燒下海鮮先,鬼叫朋友中,有海鮮人咩....
日本國產帆立貝(黑松露蒜蓉牛油粒)二件$88
海鮮好易痴網,所以留待最後先燒,
一直燒就聞到松露獨有的香味 (明明食左好多野都覺得餓!)
直至牛油在貝殼上翻滾就代表食得!!
我唔客氣啦!!好好味,感覺同o係日本食既一樣,簡單難忘的味道,我連腸都食埋呀!!

食左咁多,其實都不是太飽,我太大食,所以都叫左 D 熱食,不然夜晚又偷食薯片~
燒雞翼 -- 外皮燒到脆卜卜,入面肉質鮮嫩,好想吃多一隻
海膽炒飯($108) --海膽是一塊過的,
拌勻來吃,半熟的感覺還不錯,飯炒得粒粒分明,不油不膩不錯

日本人喜歡放工後吃燒肉,飲飲酒,Relax 一下,
這裡也有由北海道直送的啤酒,取價大概是80元左右,
我不愛酒,但男友愛淺嚐,就叫了兩個口味來試試,
知床是用北海道知床的湖水做,倒出來是綠色的,
入口有淡淡的花香味,酒味不太濃,而且有明顯的沉淀物,
原來是專登不隔得太清,好喝但不敢喝!

整體來說,很喜歡這小店,價錢也算公道,我想在外面食的話,應該會貴上一倍!
貴左少少,但偶然豪一次也不是壞事吧:)
同埋都叫做人一世物一世,試過日式燒肉的精品化

和匠日式燒肉店
佐敦長樂街23-27號德威大廈地下 2264-8928



FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare