Woo!!!自從上次o係 Espuma 初嚐西班牙菜之後,非常喜歡,
上個月,朋友話去食西班牙私房菜,我當然是第一個報名!!!! :)

私房菜有好處,餐牌可以根據客人的喜好去準備,
因為同行友人都鐘意香口野,所以餐廳安排了,當中亦有一些是新菜式...

先來的是西班牙獨有的Tapas (下酒小菜)
西班牙的食飯時間同其他國家不太一樣,來得比較遲....
通常2-4時才吃午餐,晚餐會8-10時才吃,中間的時間,就會來個下午茶,
會在放工後,約齊一班朋友到酒吧聊天飲酒,所以伴酒菜都有好多不同的選擇~

薯仔粒
樣子令我覺得是普通的薯仔沙律,
切粒的薯仔甜甜的,煮得剛剛好,不會糊成一團,
面層灑了香草,入口微辣,不失為開胃的前菜

一口脆多士,上面鋪滿新鮮香草拌蕃茄茸,
走的是自然風的酸酸甜甜,沒多餘的調味,脆脆多士,令人不禁一口接一口


吃完Tapas ,今次大廚知道我們都愛香口,安排了一個全新的菜式,
因為未上市的,連名字也未有....暫時叫住"薯片腸仔生熟蛋"先啦~
其實我一向不好流心半熟蛋的,見到它是用鐵鍋上,某程度上反而放心多了...
脆炸過的薯片比一般街外買的厚身,混合了腸仔片,生熟蛋,洋蔥等,
入口竟然依然保持脆的,好香口,驚喜!!
沒有平時的炸物一遇上醬汁就變淋的問題,火喉控制得非常好~~ :)

之後再上的是 Gambas al ajillo 香蒜蝦
都是以鐵鍋上台,蒜蝦蝦大量橄欖油蓋著,上台時滾油炸炸聲,好吸晴!
看圖感覺是有點油膩吧?
其實,橄欖油屬於優質油,比較輕身,亦適合作炸物,加熱後也不會有害物質,
吃落沒有想像中的油笠笠,蝦肉質彈牙,加埋已炸過的蒜片,有點橄欖油的清香

之後就是沙律了
上次食完芝麻吞拿魚卷之後,念念不忘,成日都掛住半熟入口軟滑無渣的感覺!
訂位時講過下,佢特別安排左呢個新菜式俾我地,又係off menu 的!!! :)
吞拿魚卷依然是軟滑,沙律菜用黑醋調味,半熟蛋芝士也有融心的口感

之後,就係一道道好傳統的西班牙菜,先來的就係好對胃口的  Crispy Sucking Pig,
我只記得豬仔皮燒得金黃,皮好薄好脆,入口好似食薯片咁,入面的肉質嫩滑,真的不得了,
旁邊的醬汁是用豬頭同豬腳用慢文煮出來的,充滿豬隻的精華,不過味是偏咸,
不宜大量礁點,豬仔下面有薯仔片,炆到好入味,我都好滿意!

主菜是Chorizo Noodle
都是用鐵鍋上菜的,第一眼,我以為是米粉,仲要剪到碎濕濕.....
之後問返大廚,原來原裝就係碎的,而且係由西班牙入口,真的又學多樣野!
至於味道及口感方面,我覺得比較乾,而且d 腸仔都幾濃味,單食了一片,超咸!!!
就咁單食又咸又乾我真係唔太buy!!!
原來是因為我是不愛醬汁,一直都沒有用那個附設的蒜蓉醬汁....
店員見我乾食,就話加少少會好dd,試加了一點,真係好好好多,無咁乾食落仲有少少甜味!

最後是甜品時間,仲安排左咖啡酒,
另外仲有朱古力蛋糕配雪糕
注意,呢個並不是心太軟,所以不會流心流到巴巴聲的,只有少少流心,
外皮口感有少少脆,朱古力蛋糕用72%的法國朱古力,自然不會死甜,
旁邊配搭的是自打雜莓雪糕, 酸酸甜甜,口味也清新,不過就比較快溶,
口感比較似雪葩,沒太重奶味

喜歡食私房菜的原因,除了可以慢慢食外,不會有人等位的問題
另一賣點,就係廚師會根據客人的喜好而安排適合的食物!
其中的Suckling Pig 是我的大愛,要食就要兩天前預訂喔!!!





FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare