月初時，同Mr.K即興去了野餐，其實我自己就沒有野餐癮，所以屋企甚麼道具也沒有，不過呢個世界，都應該有同類（即時行動組）所以我地決定上網找資料。哈！
上網入關鍵字野餐，已經搵到我地想要的資料，在啟德游輪碼頭有草地外，仲發現有餐廳，提供外賣的食物，仲可以借野餐墊同野餐籃（需按金），就是這樣我們就出發了。
在九龍灣有專線小巴到游輪碼頭，坐到總站落車就是了，
但要一提這個商場是百無的，沒有7仔，沒有銀行，沒有超市，
建議在九龍灣先買一點零食及水果，而且Market Place都幾近小巴站的啦！
借左籃同野餐墊就落樓下草地霸個靚位。當日太陽都幾猛，把帶入來的食物放好，影相先！只需於餐廳買餐就可以借籃同野餐墊，要先付＄200按金，還籃會退錢，所以只收現金。
餐就分兩款價錢：＄238及＄288，包括兩罐汽水，沙律一盒，一支紅酒，
238是熱狗及龍蝦包各一，而288是兩個龍蝦包。食物是即製需時十多分鐘。
第一次來，問職員那裡有草地，佢係行出去指俾你睇，教你如何行落去，服務熱心。
