來自西班牙的活氧療程~ABIDIS

下午3:10

香港的女生都會偏愛日本韓國出的護膚品,
原因不外乎是覺得外國品牌並不是針對亞洲人的肌膚去研發,
亦未必適合香港這怪異的天氣,加上日韓的品牌已可以做都平靚正的效果
根本不會有太大的動機去試用其他國家的產品

最近Kawai 試用了由西班牙入口的ABIDIS的一系列產品
ABIDIS在西班牙是美容院專用的品牌,已分別在瑞士,葡萄牙,墨西哥,美國,阿拉伯聯合酋長國,匈牙利,南美洲和中美洲有售,而最近亦開始進駐香港,台灣,新加坡,馬來西亞,印尼等亞洲地區

今次的試用品有齊兩條line,先試了適合混合性皮膚用的綠色line產品:


綠色line的產品都是用上常春藤、迷迭香及檸檬精華,能抑制細菌生長;另金盞花、鼠尾草提取物提取物具平衡油脂分泌功效。草本的香味,給人清新感覺。具有平衡油脂分泌、收斂毛孔及淨化肌膚之功效,有消炎抗敏,用後覺得清爽舒適。

ABICAL 清爽潔面乳 $380/200ml (適合混合/油性皮膚)

呢個產品比自己平時用開的洗面奶更為挺身的,但都屬於易推易洗,
一過水亦覺得好乾淨,唔會有洗唔乾淨的感覺,日間亦覺得油份少左,
春夏時份,我會選擇用這個產品


洗完面我亦用了同系列的爽膚水,
LOCION EQUILIBRANTE 草本瑩肌水
$360/200ml (適合混合/油性皮膚)
佢係綠色水狀的,有輕微的花草味,感覺唔到有酒精成份,抹完之後唔會特別乾
佢都可以做到控油的效果,下圖是我玩了整日,出了成日汗之後拍的,可以看到油份都不算太厲害~



之後亦試了另一條line.它是適合中乾及敏感性的皮膚,

呢個洗面產品同先前試的綠色line最大的分別就是它用後好明顯有一層薄膜在面上,
相信擁有乾性或敏感皮膚會更加適合,對於擁有混合性皮膚的我,就覺得不太適合了,
可能在乾燥的冬天感受會不同吧~

ABIVOC 營肌潔面乳 $380/200ml
含酪梨油、甘菊、迷迭香、鼠尾草精華,能徹底清理面上雜質和皮脂,有效保護皮膚的水脂層,防治水份流失,山金車精華能舒緩敏感皮膚,令皮膚保持光澤。


成分:草本精華、小麥胚油、酪梨油、甘菊、迷迭香、鼠尾草、醋酸酯、右旋維他命E、山金車粹取物



之後亦同時用了同系列的HERBADIS 花療瑩肌水 $360/200ml (適合中性/乾性/敏感皮膚)
佢亦都有輕微的花草味,唔太覺得有酒精成份,保濕效果比控油的明顯






做完基本護理之後,介紹的就是ABIDIS的其中一大皇牌產品"
活氧細胞修護液" $780/50ml

記得在Counter見到佢,我仲話好lup咁,但呢幾日親身試過上面.覺得佢比我想像中薄身同易滲透,

BA說如果同另一個皇牌產品"紅酒抗氧化精華",更加可以做到收細毛孔,淡化細紋等效果





之後我用了另一產品"水療活肌面霜",
與其說他是Cream,我會形容它似乳液多一點,不太厚,
亦可看到它的水凝感覺,可以做到鎖的功效

 

最後試用的是維C眼部緊緻修護液(EYE CONTOUR GEL) $780/30ml

因為佢含有維他命精華(維他命C衍生物/維他命E衍生物),銀杏,瓊脂,蘆薈,小麥胚芽油,具有重組及緊緻眼部肌膚之效能,去除眼部浮腫,強效補水、促進循環、減少幼紋,提升明眸神采。

我覺得呢個產品都幾補水,水狀質地夠爽身,以而家o既天氣就o岩o岩好,用了短短三日,已見到因為乾而出現的幼紋有平滑的跡象.
(而家o係Promotion Counter 買任何一樣野就可以優惠價$580換購)

試用了整個系列的ABIDIS產品,發覺它的產品都是很溫和,主要是用花草去做到保養的功效~
而我自己就很愛綠line的洗面產品及眼部修護液啦~

如果大家都有興趣,可以到朗豪坊Roadshow(Bodyshop附近)看看,
當日我見到有很多很抵的Set呢
好像洗面set(洗面+toner)都是$599,足足平了近$150呢~~

ABIDIS 簡介

ABIDIS採用最上乘的天然草本精華製煉而成,改善皮膚的健康,以科學為據的優質產品,能令各種不同類型的肌膚得到如嬰兒般的細緻柔嫩,絕對是追求完美人仕的信心保証。






ABIDIS是生物化學家Jose・Ramon‧帕茲加西亞博士專研的產品,他有45年縱橫美容學界的經驗。他於西班牙馬德里的Universidad
Compultense de Madrid化學系畢業, 並在美國科羅拉多大學取得博士學位。年逾七十歲的帕茲博士,曾任ROCHE集團、
Christian Dior、PONDS、Charles of the Ritz、露華濃(Revlon)和其他主要化妝品企業
的技術顧問,在美容界享譽盛名。

更多資料:

官方網頁: http://www.atlixcowellness.com
Facebook: http://facebook.com/abidis.hk

惡鬥陸上最慢公共交通工具記

下午8:37

上星期六日,兩天各花了近19小時在Survey,
星期六晚24:30收工,但接著的星期天,我又要5:00前回到屈地街的站長室準備
我住在屯門,來回西環用上的時間不知怎計,
所以星期六晚,我沒有回家睡,只留在公司睡了一會
這麼大個人,才初嘗90年代的文物"老泥姑"....

工時長我是預計到的,實在工作並不多,只是安排Surveyor上車的公關工作
不斷同唔同的人Report,但每個的意見都唔同,同一件事講至少三次,真的"佛都有火"
(我是不愛將同一件事講好多遍的人)

三天內發生的事真的比預料多,要執生的事多的是~
那兩天我是有點思覺失調,常常覺得電話在響

我的工作是在出車的班次,每隔13班車就安排Surveyor上車,
他們的工作就是在後門派card,同一班車上亦有另一位同事收card
而Surveyor要上同一班車來回~ 屈地街-->銅鑼灣-->屈地街 (交卷)




先說第一天吧,
叫我5:30去到站頭,但去到站長未返,而我地要用o既工具全部o係晒站長房入面,
又話5:35先開頭班車,但在5:15-5:30我見到至少5架車o係我面前經過~

終於解釋完個survey點 run ,安排佢地上車,但已經唔知走左幾多班車啦,
屈地街-->銅鑼灣 終於出發,因為只有一Team人負責 (要不停地來回兩地)
大概七時多就有人打來問,隔了多少班次
我說已經18班了,但都未回來交卷~~~
你知道他聽到之後答了什麼嗎?
就是:
"咁下次要縮班了,隔返近d,你第28班車放走佢地啦,要追返條數"
em.....我講"縮班"不如"殺埋校"ar笨~~~ 一聽就知佢仲sleeping 緊~
5:00幾出去都至少要18班先回頭,之後繁忙時間會開快d咩?!

之後遇到的就是班次時密時疏,一時就屏風咁多車,一時一架都冇
而站長都坦言係冇班次ga wor~ 而佢開工前o個d班次係冇人跟,冇人理的
上面不停質疑我唔知做緊咩,唔跟佢個時間表,咁佢行路軌,返唔到黎都唔關我事架
最後我話.
二揀一啦,一係就跟你個時間表,唔理相隔數量,一係就數足14隔先放人,但唔知幾時有車wor
佢答我跟班次~唔好理佢o個reference時間表~

第二日(星期日),情況更加嚴重
首先,當日跑馬地跑日馬,d車掉晒去馬場,其他班次都cut左好多
之後灣仔仲要遊行囉~結果d車返唔到轉頭
最精彩是落雨時的事,因為一時間有好多車返轉頭,
站長一次過放了很多車出去,但原來他是沒有record的,亦沒有講俾司機聽要轉牌
搞到Surveyor上了(北角)車,去到北角才知道它總站不是去北角,是其他地方
佢地就要立即下車,去對面搭另一架車回來交卷~
因為佢冇抄,我三team人中有兩team都係咁~

之後有人話上面應承左俾佢4:00走,一組人(三人一組)走左兩個,
剩返o個個我都唔知點算,(4:00-7:00) 除了俾對鞋佢幫手"挽"之外,
我暫時想唔到有d咩可以俾佢做
(都唔知上面d人搞咩,好難排咩,排完唔使check o架~)
我同佢講返個情況,佢竟然話叫我打俾另一個問,問咩喎,即係又要講多次
你掉兩個人落黎咪ok囉,真係出煙

星期日仲收到投訴信tim,內容你地自己睇,都唔知up咩~



聽返d Surveyor 講星期二o個晚有個男人o係車度同人講電話
電話o個個人應該問佢幾時返,佢答人"個司機好吞吞呀"
男人落左車,司機話"吞吞....你估你唔講慢字,我就唔知你講我慢咩"

我簡直覺得呢個project係超玩野囉~
好彩做三日,如果要做一星期,我估會痴線lor!
總結:上面班人都唔知自己做緊咩,比我更加遊魂~



令人精神一振的慕絲--Neutrogena Ultra Foam Cleanser

上午12:55

Neutrogena 一向都是開架品牌中的名牌
開架的Selling Point,不外乎是價錢親民,銷售點多
但我卻只愛它的保濕mask,美白產品,至於洗面產品我只用過一次,感覺亦不甚良好
覺得很乾很乾,不一會就因為太乾而令面部出了很多油,先入為主,所以就沒有再用了~

因為看到Syreeta 的介紹,看到慕絲質地的泡泡,我又忍不住再試一下
試過之後一改了我的感覺,韓國出產的它一點也不乾,用後亦有Refresh的感覺
相信是因為它有薄荷的成份,用完真的有冰冰涼涼的感覺
夏天用應該會更加爽呢~如果前一晚唔夠瞓,真的會醒一醒哦!
我每天都是放在早上用,我的昏迷指數真的低了~~相信最高興會是我的老闆哦~












去黑頭

黑頭粉刺終極反擊戰~~La Roche-Posay

下午10:16

身處人多車多塵多的香港,普遍都會遇到粉刺黑頭的問題
最近試用了La Roche Posay 一系列的產品,由洗面至防止復發的修護精華
用了短短的兩星期,發現只需要全系列使用,就可以做到相輔相成的效果
麻煩的天氣,麻煩的皮膚問題都可以解決到

要預防粉刺,當然要由洗面開始,今次試用的是Purifying Foaming Gel
它是加了水就會由Gel狀變成泡泡,有少許洗潔精的味道,
用了幾天,發現它有效去油,但又不會令皮膚變乾,只是味道有點奇怪


接著試用了今次的重頭產品,Renovating Care For Oily Skin Anti-Relapse,
佢有LHA & Retinol Linoleate,可以控制毛孔角化及疏通毛孔,
用了兩星期,的確減少了毛孔堵塞

保"氧"泡泡浴~Beauty Talk Oxy Mask

上午11:40

我承認自己有時係好懶,沒有時間上美容院,用o既產品愈簡單就愈好
但間中都會slip d 時間出來保養下,其中敷mask就是一個選擇.因為可以一邊敷,一邊周圍遊
而近年除了一般的紙mask之外,亦多了個新選擇就是泡泡mask
本來是Gel狀的面膜,塗上面後就因為温度改變,而令到Bubbles的出現~
(因此體溫愈高.泡泡就會形成得愈快,效果亦會更好~)
在厚厚的泡泡層下,令到皮膚達到 去角質/油水平衡/撫紋淨白的效果
亦可照顧到平時敷Paper mask 去唔到o既角位


今次試用了BeautyTalk美人語的氧氣面膜膠,在女人我最大中,牛爾老師都有推薦過的~
Colourmix把試用品直接寄到府上,5ml的份量只可以用一次吧~



使用方法:


每星期大約1-2次,臉抺乾後,將『氧氣面膜膠』按壓2 - 4次於手心中,並取適量塗抹於全臉。

塗抹時以畫圓方式按摩2-5回,約一分鐘後起泡,約5-10分鐘泡泡會慢慢消失,此時即可洗淨臉部。


因為較早之前試過H2O+同類型的產品(舊文可按我),所以不覺得十分新奇~
兩隻產品比較下,H2O的泡泡就比較挺身同厚身,而BeautyTalk呢個就薄身好多
效果方面,我覺得BeautyTalk 呢個就比較保濕,而在使用一次o既情況下,淨白效果都幾明顯~
如果俾我揀,我認為以台灣品牌來說,定價都唔算平,
所以回購呢個問題要想想先~

最後多謝Colourmix的安排~如想知多一點關於品牌資料可到Facebook專頁

每年的4月我的所思所想~

上午10:48

時間真的過得很快,又是4月天了~

記得在2003年4月1日,身在公司的同事們都沒有空/心思去搞事 (平時玩少陣都唔安樂的)
因為SARS,一時間大家都冇野做~日日在行行企企~
而我當時已經有d痴痴地線的情況,成日都話頭痛,夜晚唔想瞓,又唔想食野,老闆有懷疑我有病(厭食)
所以我o個兩個月,有精神就返公司坐,再唔係就話唔舒服請假,
(我當時o既老闆對我可以話係極度縱容,佢真係幫我"簽"Pay S/L~)

4月1日下午,我還在家中S/L時,收到媽媽打來的電話問我出面發生了什麼事,人人都在搶米,很混亂
(瞓到死左,點知出面咩事喎?你問我,我問邊個喎?!!)
已經唔記得自己吩咐佢點做,只記得有上網望過下之後再瞓過~
of coz 大家最後都知道係有個"唯恐天下不亂的死靚仔"玩野~

當時我有1個(不熟的)朋友因為SARS入了瑪嘉烈,佢份人出名陰濕,
所以成件事我覺得抵死,完全唔可憐
我仲同佢講"食咁多類固醇,遲早有其他問題,與其獻世,不如死左佢啦"
(佢係o個d好日都唔打電話俾我,但o個排可能o係醫院悶,佢都係搵水泡o者,我就唔信死到臨頭會改變)

睇完新聞,o岩o岩瞓著電話又響,
朋友一開口就問"哥哥係未跳樓?" 我初時都唔知佢講乜.仲答"我冇亞哥喎~"
了解完,我立即打俾以前劇組的同事,佢地話係,我食左頭痛藥,反應好慢,只係"哦左一聲"就收線啦~

第二日瞓醒返到公司先識喊~
因為工作關係,佢成日上黎公司開會,佢見過我地幾次,就已經認得晒我地~
之後出去做Freelance見返佢,佢都仲認得我~

直至2003年5月,終於有人覺得我有情緒問題,我的Petit Mal 亦愈來愈嚴重.睇左第一個醫生"獅子王",
佢成日都吹"知道有人俾左自己張咭片佢,但最後都等唔到佢黎",仲話自己有信心"鬧"醒佢......
佢一講哥哥我就唔鐘意,唔想聽~
講真.....獅子王都唔知有冇過佢個真人,你又知佢唔醒 (真實聽到反晒眼~)

每年的4月1日我都會好心痛,好唔捨得~ (而我每年4月1日一定唔會見獅子王,一定發up風)
除了覺得失去了一個好好的朋友仔之外,
另一方面在計時間,"唉!又一年!仲未搞掂",真"削"(注意:"削"是形容我,不是形容獅子王的)
他明明說過,"只是小問題,又沒行為上的問題,不出一年應該冇事" <--因為佢講得都幾實在,所以我"信"
其實時間一路過.識左好多唔同o既病友仔,都知道呢個病"冇包單"

今年的4月1日,我開始停藥了,今天己經是第10天,
一直唔敢停藥,最大的原因是我成Q日頭痛,次次都係停兩日,不出第三日就痛,
一頭痛我就覺得"就快會死", 之前三次都係因為頭痛而發晒癲......
幸運地,到了今天暫時沒有痛 (只是第一日有痛了一陣),而家只係間中的暈,好似飲醉酒咁~
(不知道,是否同上次醫生大人臨時加插的催眠的效果,不要問我是什麼,我一向都唔記得
再講就會太神化呢~哈哈哈~)


**********************************************

另外~各位Blog友,3月中的時候,己在大家Blog留言,關於復活節假期 Brunch Gathering 的安排
已初步出了出席名單,如果想參加的,可留言俾我~
*名單,地點等詳情可去"路邊貓 Blog" 看: *
http://hk.myblog.yahoo.com/straycat-siustep/article?mid=4376

最近我都開始安排大家的小禮物,第一個就是大家都有興趣的"安睡茶" (詳文可按我)

其實還有很多......先賣個關子~哈!

擁泡夏日~Sebamed 5.5 Active Cleansing Foam

下午6:32

記得在讀書的時候,因為正值青春期,皮膚都會有出油的問題
同學們都會在討論,什麼產品可以抑制"它"的出現
想眼不見為乾淨的,就會--用面油紙印,一係就用去油的洗面產品,
而其中一個好Hit的產品就是Sebamed Cleansing Bar啦~~

最近Kawai亦有機會試用Meka美康架上的Sebamed Active Cleansing Foam
(拎住佢o係手,真係有返讀書時的感覺,haha)

Sebamed 全線的產品都是PH5.5配方 (弱酸性),亦通過醫學測試,連敏感肌都適用
平時的護膚品都會加入油份或乳化劑,令到用後的皮膚顯得又潤又滑,
但對於敏感肌的朋友,呢D都會係令到皮膚出現豆豆,粉刺,黑頭的導火線
而一個產品可以做到無油,無皂,無乳化劑,究竟會係點?會唔會用完乾到喊呢?

呢個星期Kawai就親身體驗PH5.5 的功效,看看它是不是只適合青春肌呢



泵口設計比較大,所以一次可以有大量泡泡(手上是按了三次的份量),
而泡泡水份比較多,所以不是太企身,亦因為水份多,好快就會變返水狀,但唔影響它的功效
敷了上面大約一分鐘左右d Bubbles就開始變返水狀,我用了短短的一星期,
最大感覺是我把泡泡留在面的5分鐘,在沒有按摩的情況下,都感受到泡泡自己流入毛孔中
而每次用完都會覺得面上好似有一層薄膜包著的,感覺完全不乾,有點似Baby Skin 那種滑滑的
相信多用一段時間,黑頭會慢慢减少呢~始終去黑頭都是長期戰爭哦~



有興趣可以去Meka美康找找它,它的價錢不算貴($87.3/150ml),學生都可以負擔呢!


最後都是分享一些對付暗瘡的老生常談,
首要是保持毛孔的暢通,保持清潔 (但又不可以過度清潔)因為分泌油脂是自然本能,
洗面次數愈多,並不代表會去除可惡的油光,亦只會令到佢"標"更加多油份來保護皮膚


美白 Whitening

亮白肌膚迎夏日 ~ Glycel White Ice 系列

下午1:30

到左春夏,又係我開動美白戰的時候,
白白滑滑過夏天,有邊個唔想?
雖然我最後都係會晒到變了炭頭,因為我太愛游水了
今次試了貴婦級的品牌 Glycel White Ice Whitening Intersive Serum,
就讓我狠狠地做一會貴婦吧~

Glycel 於 1985年成立,由心臟科醫生班納德醫生 (Doctor Christiaan Barnard) 創立,
他是全球首位成功為人體更換心臟的了醫生呢!

而品牌名稱 GLYCEL 取自產品的主要成分,
能有效令肌膚細胞更新修復的「細胞活化更新元素 GLYCOSPHINOLIPIDS」 與「細胞 CELL」各首三個英文字母,合拼而命名為「GLYCEL」,並以「盾牌」作為品牌商標,喻意產品具高效細胞更新及抵禦之效。

來自瑞士Glycel,一直致力研究及開發嶄新的護膚品配方,

今次試用的亮白雪肌系列,利用了瑞士最新的"黑色素冷凍概念",
配合熊果素,透明質酸等成份,可以高效地抑制肌膚底層的黑色素,全面提升肌膚亮白細嫩~

包裝都是一貫的簡單作風,亦有膠貼封口,因為產品有保質期,12個月內必要用完,
產品質地都有點稠,gel狀的,不是水水的,但好彩唔太lup~
我自己每晚臨瞓前都會"泵"多一些做按摩動作~產品有少少不刺鼻香味的花香味~
味道有d似我噴枕頭的spray~relax relax relax~


一個星期就此過去了~又係時候看一下我的事前事後對比~
平時d朋友見我,遠睇都仲以為好白淨,但事實我apple-zone位置都有好多雀斑
(短短一星期試用時間,真係唔會抱有期望,d斑一下子死晒~有都是吹水啦)
而呢個星期,因為我日日有按摩的關係,反而見到d膚色暗啞部分有均勻左o既跡像
我是後來才發覺產品盒上有寫"Peeling"的功效~~


總結:就是随著科技的進步,"美白產品=乾"的概念,已開始慢慢地改變~
        呢個產品可以做到不刺激的Peeling效果,質地清爽唔乾,身在香港o既"潮人"絕對可以一試~

最後多謝BE的邀請哦!





Contact Me: littlecatt@gmail.com
FB Page: Kawai / Small Talk Corner

Blogspot
TheZtyleBeautylifeFanPiece

BECB@BeautyexchangeOpenriceShe.com

卸妝 Makeup Remover

卸眼妝唔一定要用油o既~Talika lash conditioning cleanser

下午1:30

還記得新年前看到朋友在FB 貼的短片,是關於在睫毛上生了蟲~
真的好嘔心,看了幾秒我已經"頂唔住"要停了它~
其實我細個o既時候都聽過某位大姐姐,因為懶(眼瞓),沒有認真清潔睫毛而搞到變左獨眼龍~

而我就因為怕死,所以都唔係好敢用Mascara,加上我的睫毛很短又疏,見到因為落妝而斷了的屍骸,真的會很痛心
為了保護我呢d就絕種的小睫毛,近年都會選用"溫水就可以落妝的Mascara",而那些可以做到又長又密的不防水Mascara,都係唔敢多用~

今次試用了Talika的睫毛護理清潔劑 ($250/100ml),
Talika於1948年成立,最為人所熟悉的是多年來研究用於睫毛生長的"Lipocils"配方
而我自己讀書時已有偷偷買來為睫毛進補~

因為我在休假中,最後Talika 的同事把試用品寄到家中,
除了有用ball ball紙包得"好穩陣"的貨物外,還附上了Catalog~


化妝班 Make Up Class

327 Estee Lauder美白彩妝體驗之旅@Beauty Garden

下午1:30

上星期日,出席完JCCAC的週末有細藝活動之後,
立即趕另一個活動,就是在Janice Lam Makeup Workshop舉辦的 Estee Lauder美白彩妝體驗之旅,
Janice 的 Workshop 在不同媒界,Blog中早已曝光,
那些不同充滿古典味,大大小小的鏡,真的令我這個鏡怪開心透了~~
終於有機會上去,少不得周圍影相~呵!




鏡呀!鏡呀!真的想每一塊都拍一張 (又在發癲~)


在示範台附近已set 好Product,而化妝台亦一早放好了各式各樣的Estee Lauder Products~
一陣可以親自試用全線Cyber White的彩妝及護膚品呢~



終於開始了~第一部分是護膚,為皮膚先做好護膚步驟,皮膚自然更加靚~
護膚好多人都識,不外乎清潔->爽膚->精美->面霜/lotion ,但大家又會花多少時間去認真做呢?
Janice 表示,想皮膚吸收得好,最好就比d時間皮膚慢慢吸收,原來要靚真係唔可以懶~

Step 1~~
先為素顏的model爽膚.Janice 表示要用綿花全面抹,
爽膚水的作用是為皮膚保濕,但如果加埋綿花一齊用,就會多一個功效"去角質死皮"
去除了角質死皮,之後的護膚品自然更加吸收~
angie亦為我地講一下她早於一月份已開始試用的用後感~

之後再為Model塗上精華素~水水的,很好推,打破了美白產品一定唔夠保濕的定律~
Janice建議精華素可以比平時搽面份量多一些,可用來做一個Quick Facial Massage~
而我個人心得是,產品份量必須要足夠先會見到效果~

之後介紹的是防曬步驟,我自己就好緊張呢個步驟,因為我成日都要見太陽~
呢個防曬己有SPF 50/PA+++, 足夠我平時用有餘,仲要佢一D都唔Lup身,又唔會白白的
Janice 給我們選擇防曬產品的Tips就是平常不要用防汗防水的,如果要戶外活動另計,
搞不好還會有Block毛孔的危機哦~


做完護膚步驟就可以開始上粉底啦~今次用的是Liquid Foundation
都是先用掃上面,最重要的就是之後要用"卜卜"印實d粉底,不要用推的方法,印就可以了~

粉底試用: 易推的~仲可以遮到血管~亦不會一面"粉樣"! (又乘機講粗口)


之後就是遮暇,Janice 俾左好多Tips關於遮暇方面:
1.遮下眼圈時,可以在眼頭加上遮暇膏,之後向後掃開,就唔會因為乾而出現"討厭乾紋"~
2.仲要遮暗啞的部分:鼻翼, 咀邊

做完底妝的部分,第二部分由Janice親自示範~
先塗上Eye Base,它可以令眼影更加貼服同出色,亦可以減少乾紋的出現
其實有時去睇Demo時,都發現了一個問題,就是化妝師會叫Model合上眼去檢查"眼影是否Balance?"

但自己做時,如果真的把雙眼都合上,就應該什麼也看不到了~

今天Janice教了我們一個方法: 就是"鏡低頭高"了,把鏡放在頭下面,真的看得很清楚,不用單眼~
Janice 還教我們用一個Product就可以完成Smoke Eyes 的效果,
只要用上Eye Gel,就可以令淡淡的日妝,變成可以出席宴會的Smoked Eyes
先在上眼線用Eye Gel畫上粗粗的眼線,再把它Blend開,
新手/手殘人都不用怕,因為Blend 開了,那些參差的部分都會不覺眼啦!
別忘記最後要在下眼尾位補上Gel Liner 呀
之後當然要加上Cheeks Colour ,今次o既Palette除了可作Cheek colour外,比較淺色的仲可以做光影位
眼的C字位,下巴都要塗一點呀~

最後是唇妝了~今次試用了新的珊瑚色Lip Gloss,很有夏天的味道~
其實我自己都很喜歡lip gloss,但自從有次我見到有個搽了Lip Gloss的人,一路講野一路有d絲o係個口唇到出現~我覺得好似"大閘蟹"呀~(很嘔心呀!)
而呢個Lip Gloss 一定唔會變"大閘蟹"~~


最後分享一下自己的妝後照啦~左邊的是在活動時拍的,而右邊是去完活動回家後拍的
除了唇妝沒有補回之外,其他都keep到,沒有浮粉的問題呀~

最後要多謝Beauty Blog搞呢個Blog Gathering, Janice 無私的分享真的令我獲益良多~
希望下次再有機會參加其他Blog Gathering

如果大家都想參加由Beauty Blog 主辦的Gathering,可以add Beauty Blog 呢~
今日分享到呢度,頭暈要休息下先~




Contact Me: littlecatt@gmail.com
FB Page: Kawai / Small Talk Corner

Blogspot
TheZtyleBeautylifeFanPiece

BECB@BeautyexchangeOpenriceShe.com

Like Me Facebook